Albistea entzun

Alaves 1-1 Reala

Berdinketa urteko lehen derbian

Januzajek sartu du neurketako lehen gola hasi eta gutxira, eta bigarren zatian berdindu du Joseluk, penaltiz. Eztabaida sortu dute epailearen erabakiek.

Januzaj eta Duarte lehian, gaur, Mendizorrotzan (Gasteiz).
Januzaj eta Duarte lehian, gaur, Mendizorrotzan (Gasteiz). Jaizki Fontaneda / Foku Tamaina handiagoan ikusi

Paulo Ostolaza -

2022ko urtarrilak 2 21:02

Puntu bana Alavesentzat eta Realarentzat. Urteko lehen derbira bolada txarrean heldu dira bi taldeak, eta ez dute garaipenik eskuratu gaur ere. Realak sei partida daramatza garaipenik lortu gabe, eta, Alavesek, zazpi. Entrenatzaile aldaketak ere ez balio izan hiru puntuak eskuratzeko babazorroei: gaurkoa izan da Jose Luis Mendilibarren lehen neurketa Alavesen aulkian. Bi taldeek baja askorekin egin diote aurre gaurko lehiari, lesioak eta COVID-19 kasuak tarteko.

Norgehiagoka, gainera, ez da ongi hasi Realarentzat; beroketan min hartu du Joseba Zalduak, eta hirugarren minutuan lesionatuta zelaia utzi behar izan du Barrenetxeak. Joerari, ordea, azkar eman diote buelta txuri-urdinek: aulkitik sartu den Januzajek 13. minutuan sartu du 0-1ekoa. Silvak pase ikusgarria egin dio Porturi, hark patxadaz hartu du, burua altxa du, eta ondo erdiratu du Januzajentzat.

Lehen zatia ederra izan da, eta bi taldeek izan dituzte gol aukerak. Argienak, ziurrenik, Realak, nahiz eta Remirok ere bere taldea salbatu behar izan duen pare bat aldiz. 41. minutuan heldu da neurketako lehen jokaldi polemikoa: Isak bakarrik geratu da gaur debuta egin duen Owono atezain gaztearen parean, eta Laguardiaren bultzakada bat tarteko ezin izan du nahi zuen bezala errematatu. Zutoinean jo du baloiak, eta ez du ezer adierazi Del Cerro Grande epaileak.

Neurketatik kanpora

Realeko jokalariak haserre joan dira aldageletara, eta hura areagotu besterik ez da egin epaileak Alavesen aldeko penaltia adierazi duenean 57. minutuan. Erdiraketa batean, lehian zebiltzan Zubeldia eta De La Fuente, eta Realekoak Alavesekoari penalti egin diola ikusi du epaileak. Joseluk arazorik gabe engainatu du Remiro. 1-1.

Hortik aurrera trabatu egin da jokoa. Neurketatik atera da Reala, eta gehien estutu duena etxeko taldea izan da, baina aukera garbiegirik sortu gabe. Falta asko eta joko gutxi.

Gauzak hala, jaitsiera postuetan jarraitzen du Alavesek 16 punturekin, eta seigarren Realak, 30ekin.

Alaves: Owono; Agirregabiria, Lejeune, Laguardia, Duarte, Loum, Moya, Ivan Martin (Edgar, 45'), Luis Rioja; De la Fuente (Sylla, 71) eta Joselu.

Reala: Remiro; Aritz, Zubeldia (Pacheco, 80'), Le Normand, Rico; Gebara (Zubimendi, 80'), Merino, Silva (Sorloth, 75'): Portu (Djouahra, 75'), Barrenetxea (Januzaj, 2') eta Isak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Argentinako jokalariak, Poloniari sartutako bi goletako lehena ospatzen. ©Rodrigo Jimenez / EFE

Sufritu gabe egin du aurrera Argentinak

Iñaki Berastegi

Argentinak 2-0 menderatu du Polonia, eta bi selekzio horiek sailkatu dira C multzoan. D multzoan, berriz, Frantziak eta Australiak egin dute aurrera

Rebellin CCC taldearekin lehiatu zen 2013 eta 2016 urteak bitartean. / ©BERRIA

Davide Rebellin hil da, kamioi batek harrapatuta

Jon Ordoñez Garmendia

Txapeldunorde izan zen 2004ko Munduko Txapelketan. Donostiako Klasikoa irabazi zuen 1997an. Urrian utzi zion profesionalki lehiatzeari, 30 urteren ondoren. 51 urte zituen.

 ©OSKAR MATXIN EDESA / FOKU

«Indartsu baino gehiago, fresko eta bizi hastea izan zen garrantzitsua»

Jon Ander De la Hoz

Hodei Ezpeletak bigarren aldiz irabazi du Euskadiko Herri Kirol Federazioak antolatutako Lehen Mailako Txapelketa. «Puntako aizkolarien falta» izan du hizpide: «Ez dut uste onena naizenik».
Tarmim Bin Hamad al-Thani Qatarko emirrak eta Tayyip Erdogan Turkiako presidenteak urrian egindako bilera. ©EFE

Malabarismo geopolitikoak

Kristina Berasain Tristan

Washingtonekin aliantza bat izateak Qatarri ez dio eragotzi haren etsai historikoekin ere harremanak izatea. Qatarrek bere ahalmen ekonomiko handian oinarritzen du eragin geopolitikoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.