Albistea entzun

Jokoak

Milaka erabiltzaile kateatuta dituen Wordle joko ezaguna euskaratu dute

Dagoeneko «joko biral» gisa izendatu dute zenbait komunikabidetan. Hasiera batean ingelesez soilik jolastu ahal zen. Talaios Kooperatibako kideek euskaratu dute.

Wordle jokoaren euskarazko bertsioaren irudi bat.
Wordle jokoaren euskarazko bertsioaren irudi bat. BERRIA Tamaina handiagoan ikusi

Nagore Arin -

2022ko urtarrilak 14

Bolo-bolo dabil sareetan. Wordle du izena, joko bat da, eta komunikabideetara ere heldu da bere oihartzuna. Titular askorekin laburbildu dute haren funtsa, baina guztiek nabarmendu dute gauza bera: sortu berritan izan duen arrakasta globala. «2022ko lehen joko birala». «Milaka erabiltzaile harrapatuta dituen joko birala». «Modan dagoen denbora-pasa». Horiek izan dira behin eta berriro errepikatu diren lerroburuak.

Baina, zer da Wordle? Hitzekin jolasteko joko bat da, pentsatzeko eta hizkuntzarekin kateatzeko joko bat. Gurutzegrama baten antza du formatuak, eta helburu jakin bat du: hitz bat asmatu behar da sei saialditan, eta horretarako hainbat pista ematen ditu. Lehen hitza jartzean, asmatu beharreko kontzeptuak hitz horretako zein hizki dituen zehazten du, hizki hori kolore batez nabarmenduta. Letra horiz nabarmentzen badu, esan nahi du hizki hori baduela, baina ez dagoela behar den tokian jarrita. Hizki hori berdez nabarmentzen badu, aldiz, esan nahi du hizki hori toki egokian jarrita dagoela. Beste hainbat hizki grisez nabarmenduko ditu, erabiltzaileari adierazteko asmatu behar den kontzeptuak ez dituela hizki horiek.

Orain, euskaraz ere bai

Hasiera batean ingelesezko hitzekin soilik jolastu ahal zen, baina denbora gutxian izan duen harrera ikusita, beste hainbat hizkuntzetan jolasteko moldatu dute. Urtarrilaren 6az geroztik, adibidez, gaztelerazko bertsio bat du jokoak. Hurrengo egunean, katalanezko bertsio bat ere jarri zuten erabilgarri, eta aste honetan galegoz ere jarri dute. Euskal Herrian ere izan da jokoaren arrakastaren berri izan duenik, eta euskaraz jolasteko aukera eskaini nahi izan die zaleei. Talaios Kooperatibako kideek euskaratu dute, eta erabiltzaileek pozez jaso dute jokoan euskaraz aritzeko aukera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Onintza Mokoroak jaurtiko du Aste Nagusiari hasiera emango dion kanoikada, gaur. ©GORKA RUBIO / FOKU

Donostia, berriro jai giroan

Amaia Jimenez Larrea

Bi urteko geldialdiaren ostean, gaur hasiko da Donostiako Aste Nagusia. Union Artesana elkartea izango da 'Artillero' kantatzeko arduraduna, bere 150. urteurrenean. Kaian, bestalde, Bilgune Feministak botako du piraten txupinazoa, hogei urte bete ditu eta, Donostiako Piraten gisan.

Osagarri eta bizigarri

Osagarri eta bizigarri

Jakes Goikoetxea

Osagai berriak probatzeko aukera izugarria eskaintzen dute entsaladek. Osagai bakar batek entsalada osoa itxuralda dezake. Algak erabil daitezke. Udan lekaleak berreskuratu. Munduko gaztak probatu. Frutekin bizitu edo gozatu. Edota jogurtarekin eta espezieekin ozpin-olio berezi bat egin.

Sandra Carrasco abeslaria eta Joni Jimenez gitarra jotzailea, atzo, Vianako udaletxeko balkoian jotzen. ©IÑIGO URIZ / FOKU

Flamenko doinuetan urtuta

Iker Tubia

Flamenco on Fire jaialdiak lehenbiziko saioa eskaini du Vianan; egitasmoaren aperitifa. Sandra Carrasco eta Joni Jimenez aritu dira udaletxeko balkoitik flamenkoa lau haizeetara zabaltzen.

 ©BERRIA

«Pandemiak oso gogor erasan dio gure sektoreari»

Enekoitz Telleria Sarriegi

Donostiako Su Festen Nazioarteko Lehiaketak 57. aldia du aurten, eta Arabako Valecea su etxearen emanaldiarekin hasiko da, gaur. «4.0 ikuskizun bat» emango dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...