Istiluak gertatu dira Donostiako Anoetako estadioaren atarian, Realaren eta Atletico Madrilen arteko partida hasi aurretik. Hainbat hedabidek zabaldu dutenez, Madrilgo taldeko zale bat zauritu egin dute, edalontzi bat botata. Kolpeak zauria eragin dio gazteari, eta Amarako osasun etxean artatu behar izan dute. Hiruzpalau puntu eman behar izan dizkiote zauria ixteko.
Reala ere Anoetan da jada. Bero hartu dituzte zaleek. Ordu eta laurden kopako final-zortzirenei ekiteko. pic.twitter.com/hTRxdeyXtl
— Jon Ander De la Hoz (@delarregi) January 19, 2022
Zale multzo handi batek oihuka eta harrika hartu du Atletico Madrileko jokalariak zeramatzan autobusa. Madrilen hil zuten Aitor Zabaleta gogoratu dute leloetan. Diego Simeone entrenatzailea autobusaren aurreko aldean jarri da, eta realzaleei keinu nabarmenak egin dizkie ibilgailuaren barrutik.
Atletico Madril ailegatu da Donostiara, etxeko zaleen garrasi artean. Paparra-handituta sartu da Simeone teknikaria, autobusean zutik jarrita. Adierazgarria segurtasuneko langileari egin dion keinua. pic.twitter.com/vm8SiTfH6r
— Jon Ander De la Hoz (@delarregi) January 19, 2022
Ertzaintza oldartu egin zaie realzaleei, eta haiek «zuek hil zenuten Iñigo Cabacas» oihukatu diete, besteak beste. Harriak, hesiak eta bengalak jaurti dituzte zaleek.
Igual se ha liado un poco.. pic.twitter.com/kKIF4V6qEM
— cerchismo (@cerchismo) January 19, 2022
