Oraingoz, ez dute bizirik irten den inor aurkitu atzo Txinan erori zen hegazkinean. Hala jakinarazi dute Txinako erakundeek. Hegazkinak 132 bidaiari zituen barnean, eta haien gorpuak aurkitzeko eta identifikatzeko lanetan ari dira oraindik ere erreskate zerbitzuak. Jakinarazi dute haien jabetzako objektu batzuk berreskuratu dituztela jakinarazi dute.
Lan horietan 2.000 lagun baino gehiago dabiltza, droneen laguntzarekin. Izan ere, handia da arakatu beharreko eremua: 680.000 metro karratu inguru ditu. Boeing 737 hegazkinaren kutxa beltzak topatzen ere lagunduko dute droneek.
Istripua Guangxi Zuhan eskualdean gertatu zen, atzo goizaldean, eta oraindik ez dute argitu zerk eragin zuen China Eastern Airlines konpainiako hegazkina erortzea. Kunmingetik Guangzhoura zihoan. Sare sozialetan zabaldu dira hegazkina nola erori zen erakusten duten irudi batzuk, meatze bateko segurtasun kamerek grabatutakoak.
A Boeing 737 plane of China Eastern Airlines crashed, and a video surveillance video of a mining area spread on the Internet showed that the plane plunged vertically to the ground without any lift. pic.twitter.com/ORr4LOD4z4
— 凱文æÂÂœ (@DechengDu) March 21, 2022
