Albistea entzun

Innobasqueren tartea

Berrikuntza begi-bistan

Lentitech enpresak, Eusko Jaurlaritzaren Hazinnova programaren bitartez, doako aholkularitza jaso du industria-diseinu bat eta marka bat Europar Batasuneko Jabetza Intelektualaren Bulegoan erregistratzeko, eta horrek aukera emango dio bere lente progresiboak neurtzeko sistema lehia desleialetik babesteko.

Lentitech enpresak, produktu optikoak egiten ditu.
Lentitech enpresak, produktu optikoak egiten ditu. INNOBASQUE

Berritzea ahalegina egitea da edozein ETE edo mikroETErentzat. Eta ez ekonomiko soila. Bereziki zerbitzu edo produktu berri bat merkaturatzeko bada, eta, gainera, originaltasun-maila jakin bat badu. Kasu horretan, prozesuak urrats bat gehiago egitea eskatzen du, ezohiko ahalegina egitea: ziurtatu behar dugu behar bezala babesten dugula, gure eskura dauden legezko traba guztiak jartzen ditugula, beste edozein enpresa gure aurkikuntzaz balia ez dadin.

Lehiak gure berrikuntzaren emaitzak erabiltzea mugatzeko, jabetza intelektualaren babes-mekanismoei heldu behar zaie. Mekanismo horiek aldatu egiten dira asmakizun bakoitzaren ezaugarrien eta enpresa sortzailearen beharren arabera; baina, nolanahi ere, nekagarriak izan daitezke.
Puntu horretan zegoen Barakaldoko Lentitech enpresa, produktu optikoak egiteko duela bost urte sortu zen ETEa. Une horretan erabaki zuen Hazinnovan parte hartuta lor zezakeen aholkulari espezializatu baten laguntza izateko aukera baliatzea.} Enpresak presbizia zuzentzeko erabiltzaile bakoitzak behar dituen lente progresiboak zehatz kalibratzeko gailua garatu zuen, teknikoki Ergofocus System izen komertzialarekin deitua. Denok ez dugulako berdin begiratzen. Izan ere, bakoitzak bere modura begiratzen du, eta, kristal batzuk enkargatzean, erabiltzailearen graduazioaz gain bere ikusmen-ardatzak (bata hurbilekoa eta bestea urrunekoa) zehaztu behar dira. Pertsona bakoitzak bere ikusmen-ardatzak ditu, eta, orain arte, teorikoki kalkulatutako balioetan oinarrituta zehazten zituzten optikariek. Ordea, Lentitechek sortutako gailuak, Ergofocus Systemek, (errealitate birtualeko betaurrekoen antzekoa) neurketa zehatzak erraz eta unean bertan egiteko aukera ematen du.

Lentitechen kasua nahiko berezia da Eusko Jaurlaritzako programa honetan; izan ere, programa horrek doako berrogeita hamar orduko aholkularitza izateko aukera eskaintzen die bost langile baino gehiago dituzten enpresei, hiru hilabetetan emaitza egiaztagarriak izan ditzaketen berrikuntza-proiektu txikiak abian jartzeko. Enpresak berrikuntza-proiektua eginda zeukan bere kontura, baina berdin-berdin sartzen zen Hazinnovaren helburuetan, I+G+b-aren prozesu osoa hartzen baitute, bai eta Europar Batasuneko Jabetza Intelektualaren Bulegoan (EUIPO) erregistratzeko beharrezkoak diren izapideak ere.

Barakaldoko ETEak bi gauza erregistratu nahi zituen: industria-diseinu bat eta marka bat. Diseinua erregistratzeko eskabideak ez zuen arazorik izan, eta, gainera, bi aldaeratan erregistratu zen, aurreikusita Estatu Batuetara heda daitekeela. Ez zen, ordea, gauza bera gertatu markarekin, aurretik aurkeztutako beste batzuen antzekoa baitzen, eta prozesuari Hazinnovak esleitutako aholkularitza-enpresaren laguntzarik gabe ekin izan baliote, buruhauste handia izango zen. Gainera, parte hartzen duten enpresa guztiei bezala, programak agente esperientziadun batek gainbegiratzeko aukera eskaini zion Lentitechi. Kasu honetan, Barakaldoko Udalak udalerrian enplegua, ekintzailetza eta berrikuntza sustatzeko sortu zuen Inguralde enpresak gainbegiratu zuen.

Spri Taldeak eta Innobasque Berrikuntzaren Euskal Agentziak kudeatzen dute Hazinnova programa, eta deialdi berrian parte hartzeko epea abenduaren 1era arte dago zabalik. Guztira, 437 enpresak hartu dute parte programan, hobekuntzak ezartzeko fabrikazio, logistika, merkaturatze edo administrazio eta finantzen arloan.

Albiste gehiago

Paisaiekin liluratzeko aukera egongo da ibilbidean. ©GORBEIA-EUSKADI

GOZATU Gorbeiako naturagune zoragarriaz mendiko bizikletan

Gorbeialdeko kuadrilla

Gorbeia Jomuga Turistikoak Gorbeia Bira Bike Tour egitasmoa abiatu du. Gorbeia mendiaren inguruko naturagune paregabeaz gozatzeaz gain, altxor ugari aurki daitezke, bizikletan txango ederrak eginez.

Bilboko eta Bizkaiko itsas unibertsoaren nondik norako guztiak ezagutarazten ditu Itsasmuseumek. ©ITSASMUSEUM

ITSAS kulturaz disfrutatu Itsasmuseumen

Itsasmuseum

Bilboko eta Bizkaiko itsas kultura ezagutarazten du Itsasmuseumek. Bilboko erdigunetik hurbil dago, Euskalduna ontziola zegoen tokian.

Iñaki Hurtado, Paula Arregui eta Amaiur Esparza. ©NAFARROA OINEZ

Dagoeneko Tafallak datorren Nafarroa Oinez-erako abestia eta bideoklipa du

Nafarroa Oinez

Abestiak ‘Erdian erein’ izena du, eta familiek azken berrogeita hamar urteetan euskararen alde Nafarroan egindako lana omentzen du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Innobasque

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.