Albistea entzun

Futbola

Berea egin, eta besteari utzi ez

Olympique Lyonek zortzigarren aldiz irabazi du Txapeldunen Liga, Bartzelona gainditu eta gero Turineko finalean (1-3) bDamaris Egurrola da lehen euskal emakumezkoa txapelketa irabazten

EFE Tamaina handiagoan ikusi

Aitor Manterola Garate -

2022ko maiatzak 21

Olympique Lyonek jokatu egin du gaur Txapeldunen Ligako finala Turinen, eta ez dio utzi Bartzelonari ohikoa duen jokoa egiten. Biak egiteagatik irabazi dio Frantziako taldeak Kataluniakoari, 2019ko finalean bezala, eta zortzigarren aldiz eskuratu du titulua —beste zazpiak 2011tik 2020ra bitartekoak dira—. Garaikurra kendu dio Bartzelonari, iazko txapelduna zelako.

Euskal Herriko futbolarentzat final historikoa izan da, parez pare zirelako Damaris Egurrola eta Irene Paredes, Lyonen eta Bartzelonan, hurrenez hurren. Bigarrenak partida osoa jokatu du, aurrenekoak ezer ere ez, baina loria Egurrolak eraman du: lehen euskal emakumezkoa da Txapeldunen Liga irabazten.

Horraino heltzeko, mila eta bat bide daude. Gauak bezalaxe, liburu ezagunean. Eta ez da metafora, errealitate gordina baizik, bi ikuspegi dituena. Batetik,edozein modutara jokatuta irabazten delako, eta bestetik, jokatzeko modu anitza dutenek eredu bakarra dutenari irabazten dietelako —baita alderantziz ere—. Lyonek Bartzelonak baino erregistro gehiago atera ditu.

Mozorro festa horren diseinatzailea Sonia Bompastor izan da. Historia egin duen beste emakumezko bat: aurrenekoa da jokalari eta entrenatzaile bezala Europako kluben arteko lehiaketa desiratuena irabazten. Bada, zelaian ona bazen, aulkian ere abila dela ari da erakusten. Lehortu egin du estrategian Bartzelona.
Goian presioa eginda, ito egin du Bartzelona hasieran, eta hutsak egitera behartu. Erabakigarriak, gainera. Kataluniarrek aurreneko bost bat minututan zelai-erdia pasa ere ez dute egin. Lyonek bai, eta gainera, gola sartu. Sekulakoa. Henryk lapurtu du baloia, eta urrunetik, perfekzioz astindu du. Seigarren minutua zen.

Frantziarrek atzerago ere defendatu dute, eta bai majo moztu ere kataluniarren argia pizten duen kable sorta. Hermoso aurrelariaren atzeko jokalariak, Alexia adibidez, erabat utzi dute jokoz kanpo, barrualdeko pase aukerak itxiz. Hala ere, Bartzelona ez zen deseroso ari oraindik. Ematen zuen bazuela ziurtasuna partida aurrera ateratzeko. Aukeraren bat ere sortu du, baina golik ez dago jorik gabe.

Hori Lyonek eduki du Hegerberg aurrelariak bigarren gola egin du 23.minutuan, buruz.  Orduan itzali da Kataluniako taldea. Marrazkia ere aldatu du Giraldez entrenatzaileak, eta seinale ona ez da izaten hori. Emaitza txarra, eta jokoan ere gero eta eskasago. Gainera, hirugarren gola jaso du, Macariorena, 33.minutuan. Putellasek itxaropena piztu du  berriz Bartzelonarentzat, 1-3koa eginez 41.ean. Ez alferrik.

Bigarren zatian gehiago azaleratu ditu Bartzelonaren ezintasunak Lyonek, bereak indartuz. Atzean defendatu du, taldeko lan ona eginez, eta lehenago bezalaxe, barrualdea ondo estaliz. Lotu egin du jokoa. Guijarrok zelai-erditik langa jotzea izan da bizigarri bakarra bigarren erdian. Ordurako, osotasuna egiteko bidean zen Lyon, zatia zatiari gehituz: erregistroak. Eta horrela, berea egiteaz gain, ez dio utzi besteari berea egiten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arraun Lagunak eta Orio lehia betean iaz, Zarauzko estropadan, Euskotren ligan. ©JON URBE / FOKU

Kartak ezkutatu ezinda

Aitor Manterola Garate

Bihar hasiko da Euskotren ligaren hamalaugarren aldia, Bilbon, eta, ohi bezala, lau talde ariko dira. Aurtengo berrikuntza Tolosaldea da, Hondarribiaren lekua hartuko baitu debutanteak. Beste hirurak ezagun zaharrak dira: Arraun Lagunak aurreko urteko garailea, Orio bigarren sailkatua eta Donostiarra. Lehen biak dira irabazteko hautagai handiak. Hamalau estropada izango dituzte.
 ©GUILLAUME HORCAJUELO / EFE

Oilarra, guztien begiradapean

Beñat Mujika Telleria

. Gaur hasiko da Frantziako Tourra, Kopenhagen. Azken bi urteetan Tourra irabazi eta gero, Tadej Pocagar da faborito nagusia. Hirugarren aldiz irabaz ez dezan saiatuko dira haren aurkariak
Uriarte eta Valverde. ©M. DEL VALLE / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...