Albistea entzun

Innobasqueren tartea

Bezeroak bilatzeko berrikuntza

Mecanizados Alkainek bere produkzioaren zati bat Frantzian saltzen du. Desirazko helburua zen, eta, azkenean, betetzen hasi da Hazinnovan sartu ondoren. Eusko Jaurlaritzako programa horretan parte hartzeari esker, aditu batek doan lagundu dio merkatu auzokidean prospekzio-lana hasten.

Mecanizados Alkainek bere produkzioaren zati bat Frantzian saltzen du.
Mecanizados Alkainek bere produkzioaren zati bat Frantzian saltzen du. INNOBASQUE

Joan den urtean Euskadiko esportazioak guztira 25.665 milioi eurora iritsi ziren; beraz, gure merkataritza-balantzak 4.600 milioitik gorako saldo positiboa eman zuen. Emaitza on horien atzean ez daude Euskadiko ekonomiaren lokomotor gisa jarduten duten korporazio handiak bakarrik; ETE asko ere badaude, mikroETEekin batera, 2008ko atzeraldian ikasbide garrantzitsu baten berri izan ondoren: etxean zailtasunak egonez gero, kanpoan saldu behar da. Kanpoalderantz begiratu behar da susperraldiari ekin dioten herrialdeetan hemen falta diren salmentak egiteko. Harrezkero, merkatuak aniztea funtsezko estrategia da, eta oraindik esportatzen ez duten enpresak ager daitezke Hazinnova programari esker.

Eusko Jaurlaritzaren egitasmo honek bost langiletik gora duen edozein konpainiari berrogeita hamar orduko aholkularitza doan izateko aukera eskaintzen dio. Aholkulariak beharrezkotzat jotzen duten arloetan berritzen lagunduko die, lehiakortasuna hobetzeko xedez, eta, noski, nazioartekotzea halako arlo bat izan daiteke.

Hori pentsatu zuten, hain zuzen ere, egokiro Mecanizados Alkaineko kudeatzaileek. Urnietako familia-enpresa bat da, eta planopean doitasun‑mekanizatuan dihardu. Denbora zeramaten Frantziako merkatuan sartu nahian, baina zaila suertatzen ari zitzaien. Horrenbestez, amore eman beharrean, aditu baten laguntza eskatzea erabaki zuten. Beren ahaleginak birbideratu nahi zituzten, eta, haren aholkuari esker, enpresak helburu horretara bidera zitzakeen baliabideak ere optimizatu.

Aholkularitzak erabaki zuen bere lana hastea konpainia bi ekintzetan bultzatuz. Lehenengoari dagokionez, beren produktuetan interesa izan zezaketen enpresen profila definitu behar zen, eta, hortik abiatuta, bilaketa fintzea ezinbestekoa zen. Horri, teknikoki, merkatuko prospekzioa esaten zaio. Horren bidez, deia jaso dezaketen enpresak kokatzen dira, hitzordua eskatu eta aurkezpena egiteko. Hori ez da arrakastaren berme, baina, gutxienez, gure proposamenak interesa sor dezaketen tokietan entzungo dira.

Bestalde, bigarren neurriari eutsiz, bezero posibleak bilatzearen aldean, izan zirenetan jarri behar zen arreta: enpresa haiekin jarri behar zen harremanetan akordio berriak eta sinergiak eskaintzeko, eta, bata edo bestea lortzea ezinezkoa bazen, gutxienez, konpainia nola baloratzen zuten eta eskeak zergatik ez zizkieten egin nahi jakiteko.

Esatea askoz errazagoa da egitea baino. Hori argi dago. Egiazko merkataritza-helburu irisgarriak zehaztu behar dira, bezero posibleak ordenatu eta zatitu behar dira, eta dagoeneko ezagutzen gaituztenekin sistematikoki harremana izateko kanalak zehaztu behar dira. Lan handia, baina oso ondo aprobetxatuta, eragile batek (kasu honetan, Beterri-Buruntzako Udalak) jarraituta gainera, Hazinnovak emaitzak promesten dituen hiru hilabeteetan Mecanizados Alkainek eske berriak itxi eta beste batzuk lortzeko elkarrizketak hasi dituelako.

Spri taldeak eta Innobasque Berrikuntzaren Euskal Agentziak kudeatzen dute Hazinnova, eta deialdi berrian parte hartzeko epea abenduaren 1 arte du zabalik. Guztira, 437 enpresak parte hartu dute programan dagoeneko, fabrikazioko, logistikako, merkaturatzeko edo administrazio eta finantzetako arloetan hobekuntzak ezartzeko.

Albiste gehiago

Emozio berriak Eureka! Zientzia Museoan. ©EUREKA! ZIENTZIA MUSEOA

Zientzia-ikuskizunak, bisita gidatuak, saioak planetariumean eta errealitate birtualeko simulagailuak

Eureka zientzia museoa

Udara honetan hainbat jarduera berezi eskaintzen dizkiegu Eureka! Zientzia Museoan haurrei eta helduei, familian edo lagun artean ondo pasatzeko.

Gamere-Zihigako Lamina Ziloa. ©GUILLAUME FAUVEAU / IPARLASS

Lamina Ziloa

Berria

Gamere-Zihigako Lamina Ziloan ur termalak daude, propietate sendagarriak dituztenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Innobasque