Albistea entzun

Kontsumo prezioak

Inflazioak %8,1era egin du jauzi eurogunean

Analistek espero baino erritmo biziagoan garestitu dira kontsumo prezioak maiatzean. Diru politika zurruntzeko presioa areagotzen ari zaio Europako Banku Zentralari.

Europako Banku Zentralaren egoitza Frankfurten.
Europako Banku Zentralaren egoitza Frankfurten. RONALD WITTEK / EFE Tamaina handiagoan ikusi

Irune Lasa -

2022ko maiatzak 31 12:43

Inflazioa goraka ari da oraindik ere Europan, eta baita euroaren herrialdeetan ere. Martxoan eta apirilean tasa %7,4an gelditu ostean, maiatzean analistek igoera espero zuten euroguneko inflazioarentzat, hiru bat hamarrenekoa edo. Baina kontsumo prezioen indize harmonizatuak aurreikuspenak hautsi ditu, eta jauzi handiagoa egin du: %8,1erainokoa.

Inflazio handiaren erantzule nagusiak energia eta elikagaiak izan dira: energia prezioak %39,2 garestitu dira maiatzean eurogunean, eta elikagaietan, edari alkoholdunetan eta tabakoan, igoera %,7,5ekoa izan da.

Hala ere, bi alor aldakorrenak diren horien prezioak aintzat hartzen ez dituen azpiko inflazioa ere uste baino gehiago handitu da: %3,8ra, apirileko %3,5etik.

Euroguneko datuari gehitu behar zaio eremuko herrialde nagusietako inflazio handia ere. Inseek gaur azaldu duenez, bere lehen kalkuluen arabera, Frantzian inflazioak %5,2ko hazkunde tasa izan du maiatzean: 1985. urtetik ikusitako handiena. Igoera esanguratsuak izan dira erregaietan, baina pisu handia hartu dute elikagaiek ere, oro har %4,2 garestituta.

Frantziako datuari bezperako Alemaniako eta Espainiako datu aurreratuak gehitu behar zaizkie. Bi herrialdeetan, inflazioa %8,7an kokatu da maiatzean.

EBZ, miran

Inflazio gero eta handiagoak bere diru politika bizkorrago zurruntzeko presioa areagotzen dio Europako Banku Zentralari, tasa oso urrun baitago bankuaren inflazio helburua den %2tik.

Bankuak jada iragarri zuen estimuluak kentzen hasiko zela, tartean zor erosketak, eta Christine Lagardek jada aipatu du uztaileko bilkuran interes tasak puntu laurden igotzeko aukera —tasak maila negatibotik aterako lirateke horrela—.

Banku zentraleko ekonomisten buru Philip Lanek ere esan berri du uztailean eta irailean puntu laurdeneko igoera bana egitea litzatekeela haien erreferentziazko erritmoa.

Uztailean bertan puntu erdiko tasa igoera bat egitearen eske dabiltzan belatzen mezuentzako erantzun bat da nolabait. Lanen aburuz, estimuluen erretiratzeak «graduala» izan behar du, baina politika zurrunagoen aldekoek neurri bizkorragoak nahi lituzkete.

Ekainaren 9an du hurrengo bilkura EBZko Gobernu Kontseiluak, Amsterdamen. Egun horretan da banku zentrala bere aurreikuspen ekonomikoak eguneratzekoa.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Tubacexeko langileen protesta, 2021eko otsailaren 23an, Laudioko lantegiaren aurrean. ©LAB

Espetxe zigorrak eskatu dituzte Tubacexeko hiru grebalariren aurka

Berria

Iazko otsailaren 23an atxilotu zituen Ertzaintzak, enpresaren atarian. Isunak ere eskatzen dituzte haien aurka

Koordinazio batzordearen bileraren hasiera, atzo, Iruñean, Nafarroako Jauregian. ©IÑIGO URIZ / FOKU

Madrilek eta Iruñeak 431 milioiko ekarpen garbia itundu dute 2020rako

Joxerra Senar

Metodologia zehaztuta, Nafarroak lehen bi urteetan gehiago pagatu zuenez, estatuak 138 milioi euro itzuliko dizkio. Aurtengo ekarpenari dagokionez, doikuntzak eginda «aldekoa» izatea espero dute

Sindikatuen banderak, atzo Bilbon eginiko manifestazioan. ©O. MATXIN EDESA / FOKU

Akordiorik eza FVEMeko zuzendarien errua dela salatu dute sindikatuek

Imanol Magro Eizmendi

CCOOk, LABek eta UGTk bilera eskatu diote Bizkaiko patronalari hilaren 12ko asterako. ELAk greba mugagabearen aukera aipatu du

Petroliontzi bat Gazpromen egoitza inguruan, San Petersburgon. ©ANATOLi MALTSEV / EFE

Errusiako petrolioari 60 dolarreko muga jarri dio Europako Batasunak

Iker Aranburu

Astelehenean jarriko du indarrean, hango petrolioa erosteko ia erabateko debekuarekin batera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.