Albistea entzun

'Wikileaks afera'

Erresuma Batuko Gobernuak Assange estraditatzea onartu du

Pitri Patel Barne ministroak baiezkoa eman dio kazetaria AEBetara bidaltzeko aginduari. Wikileaksentzat, gaurkoa «egun ilun bat da Britainia Handiko demokraziarentzat eta prentsa askatasunarentzat»; helegitea aurkeztuko du.

Julian Assange kazetaria, artxiboko irudi batean
Julian Assange kazetaria, artxiboko irudi batean FACUNDO ARRIZABALAGA / EFE Tamaina handiagoan ikusi

Ander Perez Zala -

2022ko ekainak 17 15:16

Pitri Patel Erresuma Batuko Barne ministroak baiezkoa eman dio Julian Assange kazetaria estraditatzeari. Barne Ministerioak ohar batean argudiatu duenez, Assange AEB Ameriketako Estatu Batuetara bidaltzea ez litzateke «bateraezina giza eskubideekin», eta herrialde horretan «modu egokian tratatuko» lukete. Kazetariari 175 urteko kartzela zigorra ezar diezaiokete espioitza eta intrusio informatikoagatik.

Westminsterko Magistratuen Auzitegiak iragan apirilean igorri zion Pateli estradizio agindua, eta Barne ministroaren esku zegoen baiezkoa ematea ala blokeatzea. Orain, Assangek bi asteko epea du helegite bat aurkezteko, eta Wikileaksek hori egingo dutela baieztatu du, betiere Auzitegi Gorenak baimena ematen badu —azken aukera Giza Eskubideen Europako Auzitegira jotzea litzateke–.

Atariak berehala erantzun du, eta adierazi du, ohar baten bidez, gaurkoa «egun ilun bat da» dela «Britainia Handiko demokraziarentzat eta prentsa askatasunarentzat». Halere, ohartarazi du ez dela «borrokaren amaiera» izango: «Beste bataila legal baten hasiera besterik ez da».

Assange 2019ko apirilaren 11n atxilotu zuten, Londresen, Ekuadorren enbaxadan. Han zegoen babestua 2012tik, baina, Ekuadorko Gobernu aldaketarekin, konfiantza hautsiz joan zen; eta, azkenean, baldintzapeko neurriak urratzea egotzita, asilo politikoa ukatu zioten. Lenin Moreno garai hartako Ekuadorko presidenteak muga gorri bat igarotzea egotzi zion, besteak beste nazioarteko politikaz aritzeagatik.

Akusazioaren arabera, kazetariak Chelsea Manning analista estatubatuarra lagundu zuen hark AEBetako Espioitza Legea urra zezan, eta informazio klasifikatua lor zezan ondoren bere atarian argitaratzeko. Defentsak ukatu egin du halakorik, eta esan du Assangek eta haren taldeak zabaldutako informazioak ez zuela inor arriskuan jarri.

Washingtoni, berriz, leporatzen diote auzi politiko bat abian jarri izana, Wikileaksek argitara atera zituelako militar estatubatuarrek egindako gerra krimenak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Samir Zaqout, Al Mezaneko zuzendaria. / ©BERRIA

«Zenbat aldiz bonbardatu behar dute Gaza nazioarteak zerbait egin dezan?»

Arantxa Elizegi Egilegor

Leherketak eten badira ere, Gazako palestinarren egoera larria da oraindik. Ez dute edateko urik, ezta argindarrik ere, eta Israelek eten egin die erregai hornidura. Al Mezan gobernuz kanpoko erakundeko zuzendariak salatu du hiltzen utzi dituztela.

Gustavo Petro eta MariJose Pizarro, atzo gauean, Petrok karguari zin egin berritan. ©Mauricio Dueñas Castañeda

Kolonbiak «bigarren aukera» duela esanez hartu du presidentetza Petrok

Hodei Iruretagoiena

Mari Jose Pizarrok jantzi dio soinean banda presidentziala, M-19 gerrillan Petroren kide izan eta presidentegai zenean hil zuten Carlos Pizarroren alabak. Petrorekin batera, Francia Marquezek ere hartu du presidenteorde kargua.

Leherketa bat, atzo, Gazan. ©HAITHAM IMAD / EFE

Indarrean da Israelek eta Jihad Islamikoak adostutako su etena

Igor Susaeta - Paulo Ostolaza

Jada 44 dira erasoak hasi zirenetik hildako palestinarrak. Haietatik 15 hemezortzi urtez azpikoak ziren. 360 zauritu baino gehiago ere zenbatu dituzte.

 ©BERRIA

«2017az geroztik falta zen erantzun sozial bat piztu du akordioak»

Zuriñe Iglesias Sarasola

Amnistiaren eta Autodeterminazioaren Aldeko Akordio Soziala aho batez onartu du Arbuciesko Udalak. Jaume Salmeron herriko zinegotzia indarrak batzeko beharraz aritu da, estatuko egiturei «presio» egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...