Albistea entzun

Oporrak Euskal Herrian

Urdaibaiko biosfera erreserban

Urdaibaiko padurak Euskal Herri atlantikoko hezegunerik garrantzitsuenak dira. Unesco erakundeak biosferaren erreserba izendatu zuen inguru hori 1984. urtean.

Hegaztiak behatzen, Urdaibai Bird Centerren.
Hegaztiak behatzen, Urdaibai Bird Centerren. URDAIBAI BIRD CENTER

Urdaibaiko biosfera erreserba, Euskal Autonomia Erkidegoko biosferaren erreserba bakarra izateaz gain, euskal itsasbazterreko espazio babesturik baliotsuena da. Lurraldea Oka errekaren arro hidrografikoari dagokio, eta 220 kilometro koadroko zabalera dauka. Bertan, ekosistema eta paisaia mota ugari daude, eta, besteak beste, artadi kantauriarrak, landazabal atlantikoa, kostaldeko itsasbazterra eta padurak nabarmentzen dira.

Padurak Euskal Herri Atlantikoko hezegunerik garrantzitsuenak dira, bai duten hedaduragatik, bai bertako habitaten kontserbazio mailagatik. Oso leku garrantzitsua da bai hegaztien atsedengune gisa, bai migrazio aldietan, baita negualdian ere.

Beraz, Urdaibaik garrantzi ekologiko eta ornitologiko handia dauka. Aldi berean, oreka interesgarria dauka gizakiak sortutako jarduera ekonomikoen eta natura oparoaren artean, eta, oreka horri esker, Unesco erakundeak biosferaren erreserba izendatu zuen 1984. urtean.

Biosfera erreserbaren garrantzi ornitologikoaren aintzatespen gisa, bertako hezeguneak HBBG gune izendatu ziren 1994an (hegaztien babes berezirako gunea), eta, ondoren, Natura 2000 sarean sartu zen lurralde hori. Era berean, nazioartean garrantzia duten hezeguneen Ramsar Hitzarmenean sartu zuten 1992an.

Urdaibaiko biosfera erreserbaren aberastasun ornitologikoaren ispilu, inguru horretan hainbat ikerketa egin dira eta egiten dira. Horrela, urte osoan, 250 hegazti espezietik gora ikus daitezke erreserban.

Urdaibai Bird Center

Hegazti espezie horiek behatzeko toki ezin hobea da Urdaibai Bird Center. Urdaibaiko biosfera rrreserbaren bihotzean dago, Gautegiz Arteagan. Museo bizia da, eta hegaztiez eta horien migrazioez gozatzeko hainbat jarduera prestatzen ditu. Bertan, ikerketa eta dibulgazio taldeak bildu eta koordinatzen dira, eta, horrela, bisitariak hegaztiei buruz aurrera eramaten diren proiektuen berri jakiteko aukera izaten du.

Albiste gehiago

Harixa programa barruko hitzarmena sinatu duten entitateetako ordezkariak. ©BERGARAKO UDALA

Euskara lan munduan sustatzen

Bergarako Udala

Bergarako 38 entitatek euskara lan munduan sustatzeko konpromisoa hartu dute Harixa programako hitzarmena sinatuta.

Aitzol Perez de San Roman Uria eta Aitziber Arnaiz Garmendia. ©OIARTZUNGO UDALA

«Hitanoa indartuz, tokiko euskalkia eta euskara bera indartuko dugu»

Oiartzungo udala

Aitzol Perez de San Roman Uria eta Aitziber Arnaiz Garmendia Euskaraldiko Oiartzungo suspertzaile eta Oiartzungo Udaleko Euskara teknikaria

Aurten ere, Eroskik lankidetza hitzarmena egin du Euskaraldiarekin. ©MITXI

Hizkuntza ohituretan eragiten

Eroski

Eroski kooperatibak eta Euskaraldiak lankidetza hitzarmen bat egin dute, herritarren hizkuntza ohituretan eraginez, euskararen erabilera sustatzen duen egitasmo hau bultzatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.