Albistea entzun

Altzoko Handia

Berriz ere Altzoazpiko hilerrian dira Altzoko Handiaren hezurren arrastoak

Bi urtez Aranzadiko instalazioetan egon ondoren, berriz ere Altzoazpiko hilerrira itzuli dituzte Migel Joakin Eleizegi Arteagaren hezurren arrastoak.

Migel Joakin Eleizegiren hezurren arrastoak itzultzeko ekitaldia, atzo.
Migel Joakin Eleizegiren hezurren arrastoak itzultzeko ekitaldia, atzo. Tamaina handiagoan ikusi

Nagore Arin -

2022ko ekainak 27 15:16

Duela bi urte aurkitu zituzten Migel Joakin Eleizegi Arteaga Altzoko Handia-ren hezurren arrastoak: Aranzadi zientzia elkarteak aurkitu zituen, Altzoazpiko (Gipuzkoa) hilerriko hezurtegian. Abuztuaren 12an hasi ziren bilatzen, eta bi egunen ondoren aurkitu zituzten, abuztuaren 14an.

Misterio handi bat argitzeko lehen urratsa izan zen; izan ere, ordura arte bi ziren Eleizegiren hezurren kokalekuari buruzko hipotesi nagusiak: lehena, lurperatutako leku berean jarraitzen zutela, eta, bigarrena, lurperatu eta gero lapurtu egin zituztela. Hala, teoria bakarra gailendu, eta misterioa argitu zen: Altzoko Handia etxean egon zen 160 urtez. Azken bi urteak, baina, Aranzadiren instalazioetan eman ditu: bertan gorde dituzte, hezurren arrastoak eskaneatu eta haien ezaugarrien nondik norakoak behar bezala aztertzeko eta gordetzeko.

Ikusi gehiago: [BIDEOA] Migel Joakin Eleizegiren hezurren arrastoak


Juan Carlos Ruiz / FOKU

Orain, berriz ere bere jaioterrira itzuli da Altzoko Handia. Karmen Murua Altzoko zinegotziak azaldu duenez, espero baino gehiago iraun du prozesuak, pandemiak erabat baldintzatu baitu itzulera hori, baina, hala eta guztiz ere, hasierako asmoak bete egin dira: «Lehen momentutik erabaki zen hezur horiek berriro ere horra itzuliko zirela, Altzoazpiko hilerrira. Garbi zegoen hor emango zitzaiela lur».

Atzo lurperatu zituzten berriz ere Altzoazpiko hilerrian, ekitaldi xume batean. Oroigarri bat jarri zioten, eta agurra ere dantzatu zioten. Eleizegiren ondorengoak ez ezik, hainbat herritar eta Aranzadiko ordezkariak ere izan ziren ekitaldian.

Altzoko zinegotziak nabarmendu duenez, hori izan da beti Eleizegiren nahia: «Beti esaten zuen, gertukoek horrela kontatzen dute behintzat, Altzora itzuli nahi zuela. 'Goazen etxera', esaten zuen». Eta horrela izan da: «Altzon dago, nahi zuen lekuan, atseden hartzen. Bere nahia zen, eta bete egin da».


Jon Urbe / FOKU

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / @FOKU

«Ahituta amaitzen dugu, baina zoriontsu»

Enekoitz Telleria Sarriegi

Klasikoetan klasikoena da Arnoldo izozkitegia Donostian. 1935ean hasi ziren, eta laugarren belaunaldiko kidea da Alustiza: «Hauxe da txikitatik edoski duguna; gure odola da, eta ezin genuen hiltzen utzi».
Mariana Etxegarairen hilobia, Hazparnen (Lapurdi). ©HAZPARNEKO HERRIKO ETXEA

«Kantuan hastean hein bat lotsatua nintzen, baina ahantzia nuen berehala»

Miel A. Elustondo

Julien Vinsoni zor bide zaio bertsolaritzari buruzko aipurik zaharrenetakoa, 1869ko irailean Saran egindako Lore Jokoetakoa. Hantxe dira ageri Jatsuko Piarres Ibarrart 'Bettiri', Azkaineko Mari Luixa Erdozio eta Joanes Etxeto 'Senpereko errienta' koplariak. Usteak ustel, Erdozio ez da salbuespen. Garaian, beste bi emakumezko ere nabarmendu ziren kantuan, Mariana Etxegarai 'Aña Debrua' eta Marie Hargain, bertsolari txapeldunak.
Uribarri Ganboako Garaioko hondartza. ©JAIZKI FONTANEDA / FOKU

Barnealdeko hondartzak

Eider Etxeberria Soria

Uribarri Ganboako urtegia urte osoan bisitatzeko leku aproposa da, uda sasoian batez ere. Garaioko eta Landako hondartzak daude han, eta bainua hartzea baimendurik dago

Julia Murat, atzo, Urrezko Lehoinabarra eskuetan duela. ©URS FLUEELER / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.