Albistea entzun

Sanferminak

Iruñean salatu dute zezenketak «iraganean» gelditu direla eta «eboluzionatzeko garaia» dela

Manifestazioa egin dute Anima Naturalis eta PETA erakundeetako kideek, eta zezenketen abolizioa aldarrikatu dute.

Lide Egizala Urteaga -

2022ko uztailak 5 02:34

Anima Naturalis eta PETA erakundeetako 40 ekintzaile kalera atera dira zezenketen aurka, gaur, Iruñean. Manifestariak Udaletxe plazan elkartu dira, «tauromakia historiaurrea da» eta «krudelkeriarik gabeko sanferminak» aldarripean.

Jana Uritz Anima Naturaliseko bozeramaileak hedabideei adierazi die zezenketak eta horiekin lotutako ekintzak iraganean gelditu direla eta eboluzionatzeko garaia dela. Horrez gain, entzierroen aurka agertu da Uritz: «Entzierroak horrenbesterako ez direla esaten dutenek kontuan izan behar dute zezen horiek hil egingo dituztela. Guretzat, lotuta dago dena, eta gaizki dago dena».

Bozeramaileak azpimarratu du zezenketen inguruko eztabaida hedabide eta politikarien diskurtsoetatik harago entzuten den gai bat dela: «Kalean ere entzuten den zerbait da, eta jendea jada ez da zezenketak ikustera joaten». Anima Naturalisek Espainian eta Hego Euskal Herrian bildutako datuen arabera, 2018an %58,4 gutxitu ziren plazan egiten ziren ospakizunak 2007ko datuekin alderatuz; eta %2,1, berriz, aurreko urtetik hona.

Hala eta guztiz ere, erakundeak nabarmendu du aurten eta datozen urteetan milaka zezen alokatuko dituztela haiek erail eta «esplotatzeko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bertsolariak koplatan, Azpeitiko taberna batean. ©GOTZON ARANBURU / FOKU

Giroa epeltzeko, bertsoak

Amaia Jimenez Larrea

Azpeitian ospatu da Bertso Eguna, bertsolarien eta bertsozaleen arteko topagunea. Berrikuntzak izan ditu aurten: arratsaldeko ekitaldiaren ordez, afaria eta saio nagusia izan dira Elikagunean.

 ©ARITZ LOIOLA / FOKU

«Milioika gauza txar ekoizten dira, eta zenbait onak: hori da orain artisautza»

Amaia Igartua Aristondo

1857koa da Gorostiaga denda, eta bide gorabeheratsua izan du, Pirlaren arabera: 1920an, arrakasta; ondoren, gainbehera; sarri uholdeek erasan diote, eta, azkenaldian, ekoizpen industrialak.
Pamela Anderson Kanadako aktorea, <em>Pamela, a love story</em> dokumentalaren fotograma batean. ©NETFLIX

Andersonek hitza hartu du

Urtzi Urkizu

Netflixek 'Pamela, a love story' dokumentala estreinatuko du asteartean. Lan horretan, Pamela Anderson aktoreak bere bizitzaren errepasoa egiten du. Memorien liburu bat ere idatzi du.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...