Albistea entzun

Futbola

Iñaki Williamsek Ghanarekin jokatuko du Munduko Kopa

Ghanak Qatarko Munduko Kopa jokatuko du azaroan, eta ziurrenik han izango da Athleticeko jokalaria. Azaldu duenez, bere familia da erabakia hartzera bultzatu duen arrazoi nagusia.

Iñaki Williams, 2018. urtean, euskal selekzioarekin.
Iñaki Williams, 2018. urtean, euskal selekzioarekin. Endika Portillo / Foku Tamaina handiagoan ikusi

Paulo Ostolaza -

2022ko uztailak 6

Argitu du bere etorkizuna Iñaki Williamsek: Ghanako selekzioarekin jokatuko du aurrerantzean. Athleticeko aurrelariak atzo eman zuen erabakiaren berri, sare sozialetan zabaldutako mezu baten bidez: «Niretzat eta nire familiarentzat esanahi handia du Ghanak. Eman digun guztiaren zati bat itzuli nahiko nioke». Ghanak Qatargo Munduko Kopa jokatuko du azaroan, eta ziurrenik han izango da Williams anaietan zaharrena.

Duela hilabete ingurutik zebilen zurrumurrua Williams anaiek Ghanarekin jokatuko zutela. Iñaki eta Nico Afrikako herrialde hartara joan ziren oporretara, eta, hango zenbait hedabideren arabera, Iñaki black star bat izateko tramiteak egiten jardun zen.

Williamsen arabera, bere familia da erabakia hartzera bultzatu duen arrazoi nagusia: «Erronka handi bat hasiko dut gaur. Ghanaren kamiseta defendatuko dut, nire balioak ikur gisa hartuta, eta dudan onena emango dut», azaldu zuen.

Aurrez, Espainiarekin neurketa bat jokatutakoa da Athleticeko aurrelaria, 2016an, Bosniaren aurka. Azken deialdietan, ordea, ez du Luis Enrique Martinez hautatzailearen deirik jaso. Ghanarekin, berriz, irailean egin dezake estreinaldia: Afrikako Kopara sailkatzeko bi neurketa jokatuko dituzte Angolaren aurka. Bi hilabete geroago helduko da Munduko Kopa; Ghanak Portugalekin, Uruguairekin eta Hego Korearekin batera osatuko du H multzoa.

Ez da lehen kasua

Williams ez da izango Espainia ez den herrialde batekin nazioartean jokatuko duen lehen Athleticeko jokalaria. Aurrez, Fernando Amorebietaren kasua izan zen sonatuena; Venezuelarekin jokatu zuen hark, besteak beste, 2015. urteko Amerikako Kopan, Txilen.

Eta ez da bakarra izan: Errumaniarekin jokatu zuen Cristian Ganeak, eta Bosniarekin Kenan Kodrok. Gaur egun, Athletic B-ko Ewan Urainek Eskoziako 21 urtez azpikoen selekzioarekin jokatzen du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ondarroako arraunlariak arraunak gora, eta Iñigo Larrinaga patroia banderarekin, atzo, herrian, garaipena zaleekin ospatzen. ©ARITZ LOIOLA / FOKU

Ametsa baino hobea

Aitor Manterola Garate

Ondarroak etxean irabazi du Eusko Label ligako estropada, lehen txandatik. Marea eta haize aldaketa, eta itsaslaster handiak erabakigarriak izan dira
Orioko eskifaia poz betean atzo, Ondarroako estropada irabazi berritan. ©ARITZ LOIOLA / FOKU

Oriok gaur bertan irabaz dezake Euskotren liga

A. Manterola Garate

Nahikoa izango du Arraun Lagunaken aurretik sailkatzea Castro Urdialesen, atzo Ondarroan bederatzigarren estropada irabazi eta gero
 ©ARITZ LOIOLA / FOKU

«Denboraldi hau niretzat azkena balitz bezala gozatuko dut»

Pettan Uralde

Hamalaugarren denboraldia du De Marcosek Athleticen, eta egunez egun gozatzeko ideiarekin ekin dio sasoi berriari. Guardiako jokalariak Europan kokatu du taldearen helburua, eta lortuko dutelakoan dago.
<b>Mikel Larrañaga, iaz, Urrezko Kopa irabazi berritan.</b> ©IÑIGO URIZ / FOKU

Sei aizkolari ariko dira bihar Donostian, Urrezko Kopa xede

Berria

Aurrez kanporaketa gainditutako kirolariek udako garaikur nagusia izango dute jokoan, 19:30ean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.