Albistea entzun

Energia

Energia aurrezteko industrian eta «sektore guztietan» lan egin behar dela dio Tapiak

Energia berriztagarriak bultzatzeko beharra erakutsi du, «industria intentsiboari» beste irtenbide bat bilatzeko.

Arantxa Tapia Ekonomiaren Garapenerako sailburua, Radio Euskadin.
Arantxa Tapia Ekonomiaren Garapenerako sailburua, Radio Euskadin. Radio Euskadi Tamaina handiagoan ikusi

Julen Otaegi Leonet -

2022ko abuztuak 10

Hego Euskal Herrian gaur bertan sartu dira indarrean tenperaturak eta argiztapena mugatzeko neurriak. Arabako, Bizkaiko eta Gipuzkoako «sektore guztiei» eragingo diela azpimarratu du Arantxa Tapia Ekonomiaren Garapen, Jasangarritasun eta Ingurumeneko sailburuak, Radio Euskadi-n eskainitako elkarrizketa batean. Saltokiez eta ostalaritzaz maiz hitz egin da, baina industria ere kontuan hartu du Tapiak; «pilare» bat da, administrazioekin eta erabiltzaile pribatuekin batera.

Eusko Jaurlaritzak datorren ostiralean argitaratuko du bere plan propioaren zirriborroa. Xehetasun gehiago emateko esperoan, Tapiak azaldu du tenperatura eta argiztapena erregulatzeaz gain ekonomia deskarbonizatu behar dela, eta energia berriztagarriak bultzatu. «Ez digu balio besteek sortzeak eta kanpotik ekartzeak; gas naturalaren menpekotasuna izan beharrean, berriztagarriena izango dugu».

Azaldu duenez, Araban, Bizkaian eta Gipuzkoan %8-9koa da egun energia berriztagarrien kuota: «oso eskasa». 2035erako %20ra heltzeko asmoa erakutsi du sailburuak. Hein batean, industriari irtenbidea ematea ere bada helburua: «Industria intentsiboak zerbait gehiago behar du. Dimentsio handiagoko parkeak behar ditu, eta gure ehun produktiboak ere energia berriztagarriak behar ditu».

Nafarroan, kontsumoaren %38

Era berean, Nafarroan ere energia aurrezteko plana «biziagotu» egingo da industrian, Mikel Irujo Garapen Ekonomikoko eta Enpresa Garapeneko Departamentuko kontseilariaren arabera. Gogoratu duenez, industriak egiten du Nafarroako energia kontsumoaren %38.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu Ingeteameko buruekin. ©BERRIA
Amiantoaren biktimen protesta, 2021ean, Espainiako Gorteen aurrean. ©Juan Carlos Hidalgo / Efe

Amiantoaren biktimen funtsa sortu dute, eskatu eta 11 urtera

Iker Aranburu

Eusko Legebiltzarraren eskaerari azkenean baiezkoa eman diote Espainiako Gorteek. Hasiera batean 25 milioi izango ditu funtsak

Abdulaziz bin Salman al-Saud Saudi Arabiako Energia ministroa, asteazken honetan Vienan eginiko bileran ©CHRISTIAN BRUNA (Efe)

LPEE Moskurekin lerrokatu da eta petrolio ekoizpena murriztuko du

Jokin Sagarzazu - Iker Aranburu

Erabaki «tekniko» bat dela argudiatu du taldeak, motelaldi ekonomikoak prezioan izan dezakeen eragina txikitzeko. Bi milioi upel gutxiago ekoiztuko dituzte, munduko produkzioaren %2 inguru

Petroliontzi bat San Petersburgon., ©Anatoli Maltsev / Efe

Errusiako petrolioaren prezioari muga bat jarriko dio EBk

Iker Aranburu

Saudi Arabiak, Errusiak eta LPEE+ taldeko ekoizleek bi milioi upel gutxiago merkaturatuko dituzte, salneurria igotzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...