Albistea entzun

OSASUNA 2-1 SEVILLA

Bikain hasi dira gorritxoak

Osasunak Sevillari irabazi dio Sadarren, ligako lehen partidan. Chimy Avilak sartu du lehen gola, Rafa Mirrek berdindu egin du, eta Aimar Orozek sartu du garaipenaren gola, penaltiz.

Aimar Oroz, garaipenaren gola ospatzen.
Aimar Oroz, garaipenaren gola ospatzen. Iñigo Uriz / Foku Tamaina handiagoan ikusi

Julen Etxeberria -

2022ko abuztuak 12 15:45

Jagoba Arrasatek entrenatutako taldeak ezin hobeto ekin dio ligari: irabazi egin du lehen partida. Sevilla hartu du mendean, Sadarren. Merezitako garaipena izan da, hobeto aritu baita. Meritu handiko garaipena da ere bai, Espainiako taldea koska bat gorago baitago, eta asmo handiagoko helburuak baititu. Baina gaur, gorritxoak nagusi izan dira.

Erasokor jokatu nahi zuen Arrasatek, eta jokalariek entrenatzaileak agindutakoa bete dute. Bero handia egin izanagatik ere, erritmo bizian aritu dira gorritxoak hasi eta buka. Indartsu zelairatu dira, eta azkar jaso dute saria: bederatzigarren minutuan, Ruben Peñak —lehen partida jokatu du Osasunarekin— erdiraketa ederra egin du eskuinetik, eta Chimy Avilak buruz sartu du gola. Nekez izan zezakeen hasiera hoberik partidak.

Baina gutxi iraun die pozak etxekoei, gola sartu eta hurrengo jokaldian berdindu baitu Sevillak. Papu Gomezek pase ederra eman dio Rafa Mirri area barruan, eta aurrelariak ez du aukera alferrik galdu. 11. minutua zen.

Golak ez du etxekoen gogoa apaldu. Indarrean jarraitu dute, eta arriskua sortzen hasi dira. Lucas Torrok izan du lehen aukera: urrutitik jaurti du, baina Bonok geldiketa bikaina egin dio. Aukera garbiagoa izan du handik gutxira Moi Gomezek —lehen partida jokatu du—, baina haren jaurtiketa zutoinera joan da. Osasuna gehiago zen, baina Sevilla ez zegoen geldirik. Hala, Thomas Delaneyk gertu izan du gola, baina haren jaurtiketa zutoinera joan da ere bai. Banakoarekin amaitu da lehen zatia.

Bigarren zatian lehia estutu egin da. Arrasatek eta Julen Lopetegik aldaketak egin dituzte, freskotasuna emateko asmoz. 73. minutuan gertatu da partidako jokaldi erabakigarria. Epaileak penaltia adierazi du Gomezen eta Jon Moncayolaren arteko lehia batean. Aimar Orozek bota du penaltia, eta ez du huts egin. Aratzuriko (Nafarroa) 20 urteko erdilariak bigarren partida jokatu du lehen taldearekin. Duela bi urte jokatu zuen lehena, Sadarren, baina hamar minutuz bakarrik egon zen zelaian. Gaur, hasieratik aritu da aurreneko aldiz, eta partida bikaina jokatu du. Arrasatek haren alde egin du, eta ezin hobeto atera zaio apustua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©AMAIA LARRUZEA MOTXOBE

«Oraindik, behintzat, ez dut erretiratzeko asmorik»

Unai Ugartemendia

Mendi lasterketetako korrikalaririk maiteenetakoa eta beteranoenetakoa da Euskal Herrian Sarrionandia. Parte hartzen duen proba guztietan oraindik ere espero bezala aritzen da: ondo. Azkenaldian omenaldiz omenaldi dabil. «Eskertuta» hartu ditu.
Asier Nieto, jaurtitzeko prest, joan den ostiralean, Atletico Valladoliden aurkako partidan. ©ARRATE MORALES

Bidasoak Kolstaden aurka jokatuko du gaur

Julen Etxeberria

Bidasoak Kolstad Norvegiako taldearen aurka jokatuko du gaur, Artalekun, Europako Ligako bigarren kanporaketako joanekoan

Helene Alberdi triatoilaria, Distantzia Erdiko Europako Txapelketan, Bilbon. ©@helene_alberdi

«Ikurrina hartu izan banu, ez nintzateke Europako txapelduna izango»

Julen Otaegi Leonet

Helene Alberdi triatloilaria nagusitu zen larunbatean Distantzia Erdiko Europako Txapelketan. Korrika ari zela, ikusle batek ikurrina eskura eman zion; ezin izan zuen hartu.

 

 

 ©MIGUEL ANGEL POLO / EFE

Joan Peñarroya: Energia eta oldarkortasuna

Beñat Mujika Telleria

Joan Peñarroya da Baskonia eraberrituaren gidaria. Azken urteetan emaitza bikainak eskuratuta, lehenengoz arituko da Euroligako talde batean. Ostiralean egingo du debuta ligan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...