Albistea entzun

Donostiako Aste Nagusia

Bueltan da Donostiako Aste Nagusia

Bi urteren ondoren, kanoikadak eta Piraten txupinazoak eman diete hasiera jaiei. Union Artesanako kideek abestu dute ‘Artillero’. Kaian, Bilgune Feministako kideek piztu dute poza.

Donostiako Aste Nagusiari hasiera eman dion kanoikada. Elias Arruabarrenak piztu du metxea.
Donostiako Aste Nagusiari hasiera eman dion kanoikada. Elias Arruabarrenak piztu du metxea. Andoni Canellada / FOKU Tamaina handiagoan ikusi

Amaia Jimenez Larrea -

2022ko abuztuak 13

Bi urteko etenaren ondoren, bueltan da Donostiako Aste Nagusia. Bi hasieretan jendetza izan da, ofizialean zein alternatiboan. Donostiar zein bisitarien jai egarria agerian gelditu da Alderdi Ederren eta portuko La Flamenka gunean. Kanoikadaren aurretik, euri zaparrada handia bota du, eta udaletxearen aurrealdea aterkiz bete da, baina Artillero-ren doinuak hasi baino minutu bat lehenago atertu du. Union Artesanako kideek hasitako doinuari ozen eman diote jarraipena han bildutakoek. Elkarteak 150. urteurrena du aurten, eta jai batzordeak omenaldia egin nahi izan dio. Elias Arruabarrena Gastronomikako kideak piztu du kanoiaren metxa.

Piratek ere urteurren borobil bat omendu nahi dute beren txupinazoan. Euskal Herriko Bilgune Feministak hogei urte bete ditu aurten, eta haiek eman diote hasiera jaiari. Hamar kofradietako partaideek inguratuta piztu dute zuzia. Aurretik, kaira joandako festazaleek txiki utzi dute La Flamenka gunea Ezkilari eta Mattiri ongietorria emateko.

Kanoikadak eta txupinazoak hamar eguneko jai egitarau bati eman diote hasiera. Ohikoa denez, Su Festen Nazioarteko Lehiaketa izango da jende gehien bilduko duten ekintzetako bat. Munduko zortzi su etxe lehiatuko dira, tartean Ukrainako Dance of Fire Fireworks. Gaur, Arabako Valecea su etxearen txanda izango da. Saguesen, bestalde, motako guztietako artistak izango dira; Izaroren txanda izango da gaur, eta Zetak eta Gatibu taldeak ere izango dira datozen egunetan.

Gaurtik datorren larunbatera arte, eskulangintza azoka izango da, Gabiltza elkarteak antolatuta, Zuloaga plazan. Kursaaleko terrazan, Aste Nagusi osoan, eskaintza gastronomiko zabalaz gozatzeko aukera egongo da Zurriola Street Fooden. Munduko askotariko zaporeak dastatzeko, hamahiru janari furgoneta egongo dira. Easo plazan, bertso saioak izango dira nagusi: abuztuaren 15ean, 17an eta 19an, 12:30ean. Andoni Egañak, Sustrai Colinak, Unai Gaztelumendik eta Amaia Agirrek parte hartuko dute, besteak beste.

Festak hiriko 30 gune hartuko ditu, eta, aurten, berrikuntza gisa, Urumea Jai Giroan ekintza egingo dute. Abuztuaren 15ean, 17an, 18an eta 19an, 16:00etan, bisita gidatuak egingo dituzte ibaian. Gainera, antzezlan bat eta ibaiaren garbiketa ere egingo dira. Astelehenean eta asteartean, ehun metro luze izango den txirrista erraldoi bat jarriko dute Kursaaleko Zurriola terrazan, haurrentzat eta helduentzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...