Albistea entzun

Arrauna

Hondarribiak irabazi du Castro Urdialesen, eta sailkapena estutu du

Pasa den asteburuko kolpeari buelta eman dio Ama Guadalupekoa-k. Urdaibaik bigarren amaitu du, eta ondo eutsi dio lidergoari.

Hondarribia garaipen bat ospatzen, artxiboko irudi batean.
Hondarribia garaipen bat ospatzen, artxiboko irudi batean. Oskar Matxin Edesa / Foku Tamaina handiagoan ikusi

Berria -

2022ko abuztuak 14

Azkarra izaten jarraitzen du Hondarribiak. Pasa den asteburuan, Getarian (Gipuzkoa), bigarren ziabogan izandako akats baten ondorioz hamargarren egin zuten, eta Eusko Label Ligako lidertza galdu zuten, Urdaibairen mesedetan. Atzo ere azkarragoak izan ziren bermeotarrak. Baina gaur, Castro Urdialesen (Espainia), Ama Guadalupekoa-k argi utzi du ez duela amore eman.

Itsaso mugitua zegoen; olatuak albotik jotzen zituen traineruak, eta haizeak ere ez die lana erraztu patroiei. Egoera horretan, gaur ere baldintzek emaitzetan eragina izan zitekeela zirudien. Ez da, ordea, atzoko erokeriarik izan. Getariak irabazi du lehen txanda Zierbenaren aurretik, Donostiarrak bigarrena Orioren aurretik, eta ohorezko txandan Hondarribia gailendu da Urdaibairen aurkako buruz burukoan.

Bou Bizkaia-k, behintzat, lortu du bigarren postuari eustea. Garrantzitsua zen sailkapenera begira. Hondarribiak 20:30,74 minutu behar izan ditu lanak amaitzeko; bost segundu gehiago Urdaibaik, sei gehiago Donostiarrak, eta hamalau gehiago Oriok.

Bosgarren postua lortu du gaur ere Getariak, Santurtziri 44 ehuneneko aterata. Zazpigarren izan da Zierbena, eta zortzigarren atzoko garailea, Ondarroa. Lekittarrak azken postuan amaitu du.

Urdaibai, sendo

Gaurko emaitzekin, Urdaibaik hiru puntuko errentari eusten dio sailkapen nagusian. 149 puntu dituzte bizkaitarrek, 146 ditu Hondarribiak, eta 144 Donostiarrak.

Sailkapenaren behekaldean, asteburua beltza izan da Lekittarrarentzat. Zortzigarren postuan da Cabo 65 punturekin, eta atzetik ditu Ondarroa 63rekin, Santurtzi 59rekin, Lekittarra 54rekin eta Ares 43rekin.

Sei estropada falta dira liga amaitzeko, eta ezer ez dago erabakita. Zarauzko Ikurrina da hurrengo erronka.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Brais Mendez Realeko jokalaria, Omoniako jokalariez inguratuta, Europa ligako aurreko partidan. ©JON URBE / FOKU

Realak zigilua jarri nahi du

Jon Ander De la Hoz

Txuri-urdinek Moldavian jokatuko dute gaur Europa ligako hirugarren jardunaldian, Xeriffen aurka. Garaipena dute helburu, multzoko lidergoa indartzeko. Imanolek dio «lehia gogorra» izango dela
Shane Larkin eta Vasilje Micic, Efeseko bi izarrak, azken Euroligako finala irabazi berritan, elkar besarkatzeko prest. ©ANDREJ CUKIC / EFE

Inoizko Euroligarik gogorrena

Beñat Mujika Telleria

Urtero maila hobetuz badoa ere, Europako izarren ligak gogoangarria izateko osagai guztiak ditu sasoi honetan. Hemezortzi talde lehiatuko dira gorenera iristeko asmoz.
 ©JAIZKI FONTANEDA / FOKU

«Luzerako egon nahiko nuke hemen»

Iñaki Berastegi

Denbora gutxian «ondo» egokitu da Ghiorzi Euskal Herrira. Eibar egitasmo «polita» dela uste du, eta atzera ere kanporaketetarako sailkatzeko gai ikusten du taldea sasoi honetan.
 ©Athletic

20 urte Athleticek lehen partida jokatu zuela

Ainara Arratibel Gascon

Bihar beteko dira 20 urte talde zuri-gorriaren emakumezkoen taldeak lehen partida ofiziala jokatu zuenetik. 7-1 irabazi zion Torrejoni. 5 liga titulu ditu irabaziak. Baina hortik harago, emakumezkoen futbolean aitzindarietako bat izan zen, baita ondoren izan den profesionalizazioan ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...