Albistea entzun

Lan gatazkak

La Union autobus konpainiako zazpi langile kaleratu dituzte

ELAk adierazi du enpresak urteak daramatzala lan baldintzak okertzen eta egoera eutsiezina dela. Gogorarazi du enpresak diru publikoarekin finantzatzen dituela zenbait zerbitzu

La Union konpainiako autobus bat
La Union konpainiako autobus bat ELA Tamaina handiagoan ikusi

Jokin Sagarzazu -

2022ko abuztuak 19 11:55

ELAk salatu du Autobuses La Union konpainiak zazpi langile kaleratu dituela, eta ohartarazi du enpresak atzera egiten ez badu mobilizazioak bultzatuko dituela.

Sindikatuak ohar baten bidez jakinarazi duenez, langile horiek finkoak ziren, kontratu mugagabeak zituzten. Salatu duenez, haien ordez enpresak aldi baterako beharginak kontratatu ditu, edo atseden egunetan zeuden langile batzuk zerbitzu horiek betetzera behartu ditu.

ELAren arabera, konpainiaren azken urteetako kudeaketa «murrizketen, aldaketen, eta langileen baldintzen okertze sistematikoaren karrusela» izaten ari da.

Sindikatuak gogorarazi du enpresa horrek diru publikoarekin finantzatzen dituela zenbait zerbitzu: besteak beste, Bilbo-Gasteiz, Bilbo-Iruñea, Aiaraldea, Gasteiz-Durango eta Gasteiz-Miranda Ebro lineak.

100 langile inguru ditu konpainiak, eta lantaldea «lehertzear dagoen presio espiral batean» dagoela salatu du ELAk. «Edalontzia bete duen tanta langile horien kaleratzea izan da, lan karga faltsuak argudiatuz, atsedenaldietan behin-behineko langileekin edo langile finkoekin zerbitzu beharrak betetzen dituen bitartean, langile guztiei prekaritate handiagoa gehituz».

Horregatik guztiagatik, ELAk «murrizketen politika» bertan behera uzteko eta kaleratuak berriro onartzeko exijitu dio enpresari, eta konpainia hori kontratatzen duten administrazio publikoei eta enpresei eskatu die «langileen eskubideak bete daitezen exijitzeko».

Arazoa konpontzen ez bada, sindikatuak «mobilizatzeko eta beharrezkoak diren ekintza guztiak antolatzeko beharra» adierazi dio enpresa batzordeari. CCOOk, UGTk eta ELAk osatzen dute batzordea, eta aurreneko biek dute gehiengoa. Aurki bilduko dira; egoera ikusita, ELAk ez du baztertzen lanuzteak proposatzea beste bi sindikatuei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Hiru kamioi geldirik Oiartzungo aparkekuan. ©Gorka Rubio / FOKU

Jaurlaritzak zazpi milioi euro jarri ditu kamioiak berritzeko planerako

Imanol Magro Eizmendi

Asteartean hasiko da eskaerak egiteko epea. 34.000 eurora arteko laguntzak banatuko dira.

Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...