Albistea entzun

ETB

Euskarazko 'Conquis', hilaren 27an

Lur Errekondok eta Iñigo Vicensek aurkeztuko dute ETB1eko reality berria: Naufragoak. Saioaren promozio kanpainan, EITBk botila erraldoi bat jarri du Gasteizko Andre Maria Zuriaren plazan.

Iñigo Vicens eta Lur Errekondo aurkezleak
Iñigo Vicens eta Lur Errekondo aurkezleak ETB Tamaina handiagoan ikusi

Urtzi Urkizu -

2022ko irailak 7

EITBk Naufragoak abentura reality berria aurkeztu du gaur, Gasteizko FesTVal telebista jaialdian. Lur Errekondok eta Iñigo Vicensek aurkeztuko duten saioa berria: Karibe itsasoan galdu ondoren, bizirik irauteko erronka gogorrei aurre egin beharko diete lehiakideek. El Conquistador del Caribe saio arrakastatsuaren sortzaileek egin dute programa —Hostoil Produkzioak da ekoiztetxea—.

Gaur, 19:30ean, saioaren aurrestreinaldia egingo dute Gasteizko Principal antzokian, eta han bilduko dira abentura berrian parte hartuko duten protagonistak: lantaldea eta lehiakideak.

Saioaren promozio kanpainaren barruan, EITBk botila erraldoi bat jarri du Andre Maria Zuriaren plazan, eta bertaratzen diren guztiak naufragoen botilarekin argazki bat egitera gonbidatuko ditu. Argazkiak Instagramera igotzen dituzten guztien artean, bi pertsonentzako 1.000 euroko bidaia zozkatuko dute. Gaur da parte hartzeko azken eguna.

Naufragoak saioa hilaren 27an estreinatuko du ETB1ek. Kariben girotutako abentura ikusgarrian, zazpi bikotek eta bikoterik gabe parte hartuko duten lau lehiakidek beren bizitzako erronka gogorrenari aurre egin beharko diote itsasoan galdu ondoren. ETBko arduradunen arabera, Karibe itsasoak paradisuzko harea zuridun hondartzak ekartzen ditu gogora, baina urakanez eta arriskuz beteriko itsasoa da. Ur bero eta arriskutsu horietan dauden zazpi uhartetan, Kariben galdutako protagonistek bizirik irauteko joko eta proba gogorrei aurre egin beharko diete.

Euskal Telebistan sekula egin ez den programa horren gidaritzan, bi aurpegi berri arituko dira: Lur Errekondo eta Iñigo Vicens. Saioa asteartetan izango da ikusgai ETB1en eta Eitb.eus-en, baina astelehen, astearte eta asteazkenetan, 15 minutuko saio bereziak emango dituzte eguerdiko albistegiaren ondoren, eta unean uneko informazioa eta material esklusiboa bilduko dute bi aurkezleek. Halaber, reality berriak tarte berezia izango du Biba zuek! saioan.

Bestalde, Naufragoak saioak presentzia nabarmena izango du sare sozialetan. Izaro Bereziartuak eduki bereziekin beteko ditu Twitter, Instagram, Tiktok eta Eitb.eus-eko kontuak, abenturak aurrera egin ahala.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.