Albistea entzun

Gogotsu hartu du jendeak euskal jaiaren itzulera Zarautzen

Kaleak bete dituzte herritarrek: erromeria egin dute, Musika plazan eta Lege Zaharren plazan. Alproja antzerki taldeak '2x2' antzezlana egin du, Munoan.

Kioskoaren inguruan dantzan ibili da jendea, Musika Plazako erromerian
Kioskoaren inguruan dantzan ibili da jendea, Musika Plazako erromerian Andoni Canellada / Foku Tamaina handiagoan ikusi

Ane Insausti Barandiaran -

2022ko irailak 9

Ohiko itxura hartu du Euskal Jai Egunak Zarautzen (Gipuzkoa), bi urteren ostean. Baserritarren jantziak soinean atera da jendea kalera, eta musikak hartu ditu kaleak goizean goizetik. Jai eguna izanik, jendez bete dira kaleak. Diana egin dute lehenik, eta Goiztarrak taldea irten da gero, garai bateko pertsonak irudikatzera. Ondoren, txistulariak, trikitilariak, dultzaineroak eta Iturengo tunturroak ibili dira kaleak girotzen. Eguerdian hasi da erromeria, Musika Plazan eta Lege Zaharren enparantzan: kioskoaren inguruan ibili da dantzan jendea.

Eguerdian hasi da, baita ere, Alproja antzerki taldearen 2x2 antzezlana. Kaleetan barrena ibili ondoren, txistulariek lagunduta iritsi dira Munoara, eta oholtzara igo dira antzezleak, plaza bete duten ikusleen aurrean antzerkia egiteko. Zarauzko trenbidean egindako lanak izan dituzte hizpide antzezlanean: herrian trenari beste errei bat gehitzeko egindako lanak kritikatu dituzte, umorez eta ironiaz betetako emanaldian.

Antzerkiaren ondoren ere, erromeriarekin jarraitu dute: Munoan Trikiteens taldeak jo du. Frontoi Txikin, berriz, polka herrikoia egin dute, Herri Mugimenduak antolatuta. Musika plazan, Lizarrako Larrain Dantza herrikoia dantzatu dute dultzaineroekin, 14:00etatik aurrera. Festarekin jarraituko dute arratsaldean ere.

Karroza, bueltan

Aurten, aspaldiko partez, karroza handi bat egon da ikusgai kalean: Jose Luis Lasa eskultoreak ekoitzi du lana. Bale bat dauka erdian, eta sareak inguruan: Zarauzko balea arrantzaleei omenaldia egin nahi izan die Lasak. Herriko hainbat kaletan ibili da karroza.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...