Gomazko 58.630 pilota erosteko tramiteak egiten ari da Espainiako Barne Ministeriotza, Espainiako zenbait hedabidek adierazi dutenez. Espainiako Poliziak eta Guardia Zibilak beren esku dituzten izakinak «berriz hornitzeko» erosi omen ditu Espainiak.
Hain zuzen, mozal legea edo Herritarren Segurtasuna Babesteko Legea erreformatzen ari dira Espainiako Legebiltzarrean, eta eztabaidako puntu garrantzitsuenetariko bat da gomazko piloten erabilera. Poliziaren sindikatuek hainbat aldiz egin du pilota horiek mantentzearen alde, horiek kentzeak «galera operatibo bat» ekarriko duela argudiatuta.
Ertzaintzak eta Kataluniako Poliziak debekatuta daukate gomazko pilotak erabiltzea, eta debeku hori Espainiara zabaldu nahi dute, besteak beste, ERC eta EH Bildu alderdiek. ERCk apirilean argitaratu zuen dokumentu batean adierazi zuen pilota horiek debekatzea dela mozal legeaerreformatzearen aldeko botoa emateko ezinbesteko baldintza, eta EH Bilduk ere hainbat aldiz adierazi du aldaketa hori beharrezkoa dela erreforma onartzekotan.
Mientras debatimos sobre la prohibición de las pelotas de caucho como material antidisturbios, el Gobierno aprovecha para hacer stock.
— Jon Inarritu (@JonInarritu) September 13, 2022
Abogamos por la aprobación de la nueva Ley de Seguridad Ciudadana y que esas pelotas las puedan utilizar únicamente para hacer frontenis. pic.twitter.com/zJVFSnjZyN
PSOEren Gobernuak gomazko piloten erabilera «mugatu» nahi du, baina ez dago horiek debekatzearen alde. Elkarrekin Podemosek, berriz, debekuaren alde egin du, baina adierazi du denbora eman behar zaiola Poliziari «jarduteko bitarteko berriak jartzeko».