Albistea entzun

Athletic 4-0 Almeria

Geraezin segitzen dute zuri-gorriek

Partida aparta jokatu, eta 4-0 hartu du mendean Athleticek Almeria. Denboraldi honetan ohikoa duen bizitasunez jokatu du erasoan talde zuri-gorriak, eta oso eraginkor aritu da aurkariaren ate aurrean. Festa izan da nagusi San Mamesen. Iñaki Williamsek, Oihan Sancetek, Nico Williamsek eta Mikel Vesgak sartu dituzte golak.

Geraezin segitzen dute zuri-gorriek
Geraezin segitzen dute zuri-gorriek Tamaina handiagoan ikusi

Ainara Arratibel Gascon -

2022ko irailak 30 17:15

Etenak ez du eraginik izan Athleticen. Aparretan segitzen du talde zuri-gorriak. Beste partida oso on bat jokatu du San Mamesen, eta 4-0 hartu du mendean Almeria. Denboraldi honetan erasoan erakusten ari den joko bizia eta zuzena erakutsi du, eta lehen falta zitzaion eraginkortasunarekin segitu du aurkariaren ate aurrean. 20. minuturako 2-0 zegoen aurretik. Golak Iñaki Williamsek, Oihan Sancetek, Nico Williamsek eta Mikel Vesgak (penaltiz) sartu dituzte. Hala, asteburu alaia pasako dute beste behin San Mameseko harmailak bete dituzten zale zuri-gorriek.

Gauzak ondo badoaz zertarako aldatu, pentsatuko zuen Ernesto Valverdek. Etenaren aurretik Rayoren aurka zelairatu zuen hamaikako bera atera du zuri-gorrien teknikariak. Gauzak ondo aterata une gozoan dago Athletic, konfiantzaz, eta dena atera zaio ondo hasieratik. Erasora begira atera da, golak sartzeko zailtasunak dituen talde bat izatetik, iristen den aldiro ia aukera bat sortzen duen talde bat izatera pasatu baita. Neurri batean Williams anaien sasoi ona erabakigarria izaten ari da. Bien artean egindako jokaldi batek jarri du aurretik talde zuri-gorria. Nicok erdiraketa neurtua jarri dio Iñaki anaiari, eta hark gola egin du. Erreskadan ia Muniainek egin du bigarrena. Gutxigatik joan zaio errematea kanpora. Ez, ordea, Oihan Sanceti 17.ean. Bizi berreskuratu du baloi erdian Athleticek. De Marcosek hartu du eta pase ona eman dio Sanceti. Hark sareetara bidali du baloia, erremate gurutzatu batekin. Beste partida on bat jokatu du Sancetek.

Ondo bideratua zuen neurketa Athleticek. Almeria nahi eta ezin ari zen, baloiak galdu eta presioan asmatu ezinik. Zuri-gorriak, bai jokalariak, baita zaleak ere gozatzen ari ziren. Valverderen taldeak nahi zuen jokoa egiteko aukera zuen, kontraerasoan atera eta bizi jokatuz. Lehen zatian ez da gol gehiagorik izan.

Bigarrena bide beretik joan da. Athelticeko jokalariek ekinean jarraitu dute. Gehiago nahi zuten. 50 minutuan epaileak baliorik gabe utzi du Iñaki Williamsen gola, jokoz kanpo batengatik. VARean begiratu ostean egin du. 62. minutuan iritsi zaie saria, ordea. Lehen golean bezala, Wiliams anaiak izan dira protagonistak. Oraingo honetan Iñaki izan da pasea eman duena. Nicok ondo jaso du baloia, Almeriako jokalariekin ondo lehiatu da, eta gola egin du. Festa giroan segitu du partidak, eta biribiltzeko Mikel Vesgak laugarrena sartu du penaltiz. Zuri-gorriek Sevillaren zelaian jokatuko dute hurrengo jardunaldian, eta asteburuko emaitzen zain hirugarren daude sailkapenean.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Gizonezkoa, LGTBIren ostadar banderarekin. ©EFE

Aske utzi dute LGTBI banderarekin zelaira salto egin ondotik atxilotutako gizona

Julen Etxeberria

Portugalen eta Uruguairen arteko partidan egin du ekintza. Ukrainaren eta Irango emakumezkoen aldeko mezua ere atera du. Ez diote zigorrik ezarri.

 ©BERRIA

Konfiantza itsu-itsuan

Pettan Uralde

Ager Solabarrieta itsua da, baina lan eginez, talentua baliatuz, eta Maite Badiola emaztea lagun duela, Munduko Kopan urrea lortu du karabina jaurtiketako modalitatean. Olinpiar Jokoak ditu amets.
 ©NURIA CASTEJON

«Aurkariek egindako kanpainengatik du ospe txarra Qatarrek»

Ricard Gonzalez

'Qatar. La perla del Golfo' liburua idatzi du Alvarez-Ossoriok. Nabarmendu du Qatar potentzia txikia dela berez, baina potentzia ertaina arlo ekonomikoan eta energetikoan: «Eta hala jokatzen du».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.