Ikasle Abertzaleek Hezkuntzan ofentsiba kapitalista gelditu lelopean antolatu dituzte gaur goizean Hego Euskal Herriko lau hiriburuetan egin diren mobilizazioak. Aste honetan mobilizaziorako prestatzen egon direla iragarri du antolakundeak bere sare sozialen bidez. Hala, gaur goizetik, Iruñerriko zenbait ikastetxetan pankartak jarri eta elkarretaratzeak egin dituzte.
U27| Horrela esnatu gara gaur Iruñerriko hainbat ikastetxetan!#U27IkasleGreba
— Iruñerriko Ikasle Abertzaleak (@IrunerrikoIA) October 27, 2022
ð;Â;Â;Â;ŸÂ“ÂÂÂÂÂÂÂÂÂIturrama pic.twitter.com/4bb6axRMrN
Mobilizazioak 11:30ean hasi dira Gasteiz eta Donostian; Bilbo eta Iruñean, berriz, ordu erdi beranduago. Bilboko Plaza Eliptikoan egin dute bat Errekaldeko eta Deustuko blokeko ikasleek, eta Hezkuntzan ofentsiba kapitalista gelditu lelopean abiatu dute manifestazioa. Unamuno ikastetxearen paretik pasatu dira ikasleak; aurrekoan salatu zuten grebarako eskubidea urratu zietela. Manifestazioa amaitu ondoren, adierazpenak egin dituzte, hezkuntza «doakoa eta kalitatezkoa» nahi dutela aldarrikatuz: «Hezkuntzaren norabidea eliteen eskuetan dago, proletarioak hezkuntza sistematik kanporatzeraino. Antolatzeko garaia da».
Ikasleak zenbait lekutatik Bilboko Plaza Eliptikora iristen ari dira #U27IkasleGreba dela eta manifestazioari ekiteko. @IAbertzaleak eta @SindicaEstudian -ek egin dute greba deialdia @berriapic.twitter.com/W612JWl8Fb
— Gotzon Hermosilla (@GotzonH) October 27, 2022
Doako hezkuntza defendatzeko
EAEko Hezkuntza Legearen eta erreformen kontra eta langile klasearen interesen alde antolatzeko deia egin zuten ikasleek mobilizazioak antolatzerakoan, doako eta kalitatezko hezkuntza unibertsala defendatzeko. Izan ere, haien arabera, «modu inposatzaile batean egindako prozesu baten emaitza» da legea.
Adierazi zuten Hezkuntza Legeak segregazioan sakontzen duela. «Langile klaseko ikasleak baztertu eta hezkuntza elitizatzeari egiten dio erreferentzia», gehitu zuten. Azpimarratu zuten EAE dela Espainiako segregazio tasarik handiena duen eremua, legea «norabide horretan sakontzeko asmoz» datorrela, eta «ikastetxe pribatu eta kontzertatuei ateak irekitzen» dizkiela. Hortaz, diotenez, beharrezkoa da «doako eta kalitatezko hezkuntza unibertsalaren eraikuntzan aurrerapausoak egitea».