Albistea entzun

Athletic 1-0 Vila-Real

Athleticek Vila-Reali irabazi dio Iñaki Williamsen gol bati esker

Neurketa ona jokatu dute zuri-gorriek, eta bigarren zatian kontrolpean izan dute Vila-Real. Sailkapen nagusian 21 puntu dituzte, eta, behin-behinean, bosgarren postuan dira.

Iñaki Williams gaur sartu duen gola ospatzen, San Mamesen.
Iñaki Williams gaur sartu duen gola ospatzen, San Mamesen. Javier Zorrilla / EFE Tamaina handiagoan ikusi

Paulo Ostolaza -

2022ko urriak 30 09:12

Lau partidaren ostean, lortu du berriz ere garaipen bat Athleticek. Eta ez nolanahikoa, gainera. Zuri-gorriek aurkari sendoa zuten parean, Vila-Real, baina itxura bikaina emanda hartu dute mendean (1-0). Iñaki Williamsek sartu du bizkaitarren gola 59. minutuan.

Lehen zatian Herrialde Katalanetako taldeak izan du jokoaren kontrola, hasieran bederen. Quique Setien prestatzailearen lehen partida zen gaurkoa, Unai Emery hondarribiarrak Vila-Realen aulkia utzia baitu asteon, Aston Villara joateko. Horrek bultzatuta edo, indartsu zelairatu da urpekari horia.

Lehen zatiaren amaiera aldera, ordea, Athletic Vila-Realen areara gerturatzen hasi da; ildo beretik hasi da bigarren zatia ere. Athleticek hainbat baloi berreskuratu ditu aurkariaren zelaian, eta horri esker izan du aukerarik. Horrelako batean iritsi da golaren jokaldia. Raul Garciak Williamsi pasatu dio, eta hark asmatu du Rulliren aurrean.

Hortik amaierara arte, apenas sortu duen aukerarik Vila-Realek. Athleticek bai, baina erasoko gizonak ez dira fin ibili azken metroetan. Nagusi izan dira zuri-gorriak, baina asko barkatu dute.

Gauzak horrela, 21 puntu ditu Atheticek, eta bosgarren postuan dago sailkapen nagusian, behin.behinean.

Athletic: Unai Simon; De Marcos (Lekue, 29. min), Yeray, Iñigo, Yuri; Vesga, Sancet, Raul Garcia (Vencedor, 69. min), Berenguer (Morcillo, 82. min), Nico Williams; eta Iñaki Williams (Guruzeta, 82. min).

Vila-Real: Rulli; Femenia (Cuenca, 86. min), Mandi, Pau Torres, Alberto Moreno; Parejo (Del Moral, 86. min), Lo Celso (Trigueros, 25. min), Coquelin; Chukwueze (Pino, 64. min), Morales (Jackson, 64. min) eta Danjuma.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.
Iñaki Williams baloiarekin, denboraldi honetan San Mamesen Atletico Madrilen aurka jokatutako partidan. ©ARITZ LOIOLA / FOKU

Hutsune handia utzi du Williamsek

Haritz Gallastegi

Iñaki Williamsek marka ezarri du ligan: 251 partida jokatu ditu. Zelaian ari denean kritikatu egiten dute; ez dagoenean, aldiz, sumatu egiten da haren falta.

Eibarrek eta Alavesek lehen itzulian Ipuruan jokatutako derbiaren jokaldi bat. ©JAIZKI FONTANEDA / FOKU

Biak gora begira daude

Iñigo Lasa Fresneda

Alavesek eta Eibarrek sasoi onean jokatuko dute derbia larunbatean, Mendizorrotzan; bi taldeak goiko postuetan daude. Txema Añibarrok argi du: «Intentsitate eta parekotasun handiko partida izango da».

Osasunaren jarraitzaileak Sevillaren aurkako Kopako partidan. ©Jesús Diges, Efe

Indar Gorriko sei kide atxilotu dituzte Iruñean, borrokaldi batean parte hartu izana egotzita

Berria

Espainiako Poliziak 64 lagun atxilotu ditu guztira, azaroaren 27an Burgos eta Zaragoza taldeen arteko partidaren aurretik Burgosko El Plantio zelaiaren inguruan izandako borrokaldian parte hartzea leporatuta. Tartean daude Indar Gorriko sei jarraitzaile horiek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...