Lehen sektoreko ekoizpenaren erakusleiho bikaina izan da Gernika-Lumo beste behin ere, urriko azken astelehenean. Bi urtean urriko azoka nagusia antolatu barik egon eta gero, 125.000 bisitari zenbatu ditu udalak, 2019an baino 15.000 gehiago; orduko hartan, 110.000 bisitari izan ziren. Hori horrela, urri bukaerako azokak ez du huts egin, eta, eguraldia lagun, bizilagunak eta bisitariak giro bikainean murgilduta dabiltza.
Ikusi gehiago:Argazki bilduma
Goizetik bildu dira baserritarrak Gernikan, eta 09:00etarako prest zeuzkaten 293 postuak. Hasieratik, herritarren joan-etorria etengabekoa izan da, eta 15:00ak bitartean, zer saldu eta zer erosi izan dute azokan bildutakoek. Usain eta itxura berezia izan dute Artekale, Domingo Alegria, Industria, eta Juan Calzada kaleek, baita Pasealeku eta Foruen plazek ere; izan ere, horietan jarriak zeuzkaten postuak eta txosnak.
(jarraitu irakurtzen Busturialdeko Hitza-n)
