Etxerat elkarteak jakinarazi duenez, Egoitz Coto euskal presoari baldintzapeko askatasuna eman diote. Barakaldarra (Bizkaia) gaur utzi dute aske, hogei urteko espetxealdiaren ostean.
Dueson (Espainia, 170 kilometrora) preso zegoela jaso zuen Cotok hirugarren gradura aldatzearen aldeko proposamena, Kantabriako espetxeko tratamendu batzordearen partetik, baina Espainiako Espetxe Erakundeko Idazkaritza Nagusiak uko egin zion hura onartzeari, eta iazko uztailean ebatzi zuen Coto Basaurira (Bizkaia) bigarren graduan lekualdatzea. Azkenean, iazko abuztuan Euskal Herriratu zuten, eta aurtengo otsailean eskuratu zuen hirugarren gradua. Ordutik, etxean egon da preso. Azaroaren 16an beteko du zigorra osorik.