Albistea entzun

Telebista

TVEk 'El conquistador del fin del mundo' egiteko eskubideak erosi ditu

ETB2k reality-a egiten jarraituko du. TVEk datozen hilabeteetan grabatuko du bere bertsioa, eta Julian Iantzi izango da aurkezlea.

2021eko finalaren irudi bat
2021eko finalaren irudi bat ETB Tamaina handiagoan ikusi

Urtzi Urkizu -

2023ko urtarrilak 20

Euskal Herritik kanpo jarraitzaile asko ditu ETB2ko El conquistador del fin del mundo abentura lehiaketak. Eta hemendik aurrera gehiago izango ditu: Espainiako TVE telebista publikoak reality-aren eskubideak erosi ditu. Horrek ez du esan nahi ETBk programari uko egingo dionik —hemeretzigarren denboraldian da saioa, eta astelehenean %26,7ko ikusle kuota lortu zuen Araban, Bizkaian eta Gipuzkoan—. Hainbat hedabidek zabaldu duten informazioaren arabera, TVEko edukien estrategia zuzendari Jose Pablo Lopezek akordio bat itxi du reality-a emateko, eta datozen hilabeteetan grabatuko dute. Asmoa litzateke La1 kateak datorren denboraldian estreinatzea Espainiako bertsioa. The Mediapro Studiok —berea da Hostoil— albistea baieztatu du.

Julian Iantzi izango da TVEko bertsioaren aurkezlea. ETB2 kateko saioan hemeretzi urte daramatza Iantzik aurkezle lanak egiten. Iaz, TVErentzat lan bat egin zuen Iantzik: Iruñeko sanferminetako entzierroak kontatu zituen.

TVEk berrikuntza gehiago estreinatu nahi ditu datozen hilabeteetan. Besteak beste, Pekin Express abentura lehiaketa emango du —Cuatro kateak hainbat edizio eman zituen—.

El conquistador del fin del mundo Hostoil ekoiztetxeak egiten du; azkeneko sei urteetan, El conquistador del Caribe du izena. Ekoiztetxe hori Globomediaren menpeko enpresa bat da, eta horrek berak ekoitzi zuen joan den udazkenean Naufragoak euskarazko reality-a, Karibe itsasoko uharte batzuetan —ez zituen esperotako ikusle datuak lortu—. Aldiz, El conquistador del Caribe-k sekulako ikusle datuak bereganatu ditu azkeneko urteetan: 2021eko finalak %38,1eko ikusle kuota izan zuen —batez beste, %26,3ko ikusle kuota izan zuen—, eta iazko finalak, %28,8ko kuota —batez beste, %24,4ko kuota—. Gainera, ikus-entzule euskaldunen artean harrera oso beroa du programak: %29ko kuotaren bueltan ibiltzen da. Aurten, Iantziren alboan Lur Errekondo kirolaria ari da aurkezle lanetan —Naufragoak saioan ere aritu zen—.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©AITOR KARASATORRE / FOKU

«'Bollera' izaera bat da, bizitzeko modu bat»

Iker Tubia

Haur literaturaren alde egin du Jakak, adin horretan «dena jaten» dutelako «gose handiz». Letretan dagoen sexu disidentziaz mintzatu da, eta euskarak LGTBI mugimenduan behar duen presentziaz.
 ©BERRIA

Tiktok: algoritmoaren kolore grisak

Naroa Torralba Rodriguez

Hamar gaztetik lauk nahiago dute bilaketak Tiktok aplikazioan egin Google erako bilatzaileetan baino. Aldatu egin da paradigma. Informazioa eta aisialdia bateratzeak eragina dauka norberaren eta munduaren ikuskeran.

Bego Viñuela kaligrafoa, <em>kaligrafia</em> hitza lumaz idazten, Bilboko bere estudioan. ©OSKAR MATXIN EDESA / FOKU
 ©ANDONI CANELLADA / @FOKU

Zarauzko Arraio irrati librea gaztetxe berritik ari da emititzen

Urtzi Urkizu

Irratiak baimena eskatu du legezko frekuentzia lortzeko. Aurreko gaztetxean baino baldintza hobeagoetan ari dira irratsaioak egiten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.