Albistea entzun

Arana klinikaren polemika amaitzera konprometitu da Jaurlaritza

Migrazio gaietan lan egiteko «konpromisoa» dutela azaldu du Bingen Zupiriak.

Gasteizko Arana klinikan nazioarteko babeserako harrera zentro bat eginen dute
Gasteizko Arana klinikan nazioarteko babeserako harrera zentro bat eginen dute Raul Bogajo/ FOKU Tamaina handiagoan ikusi

Isabel Jaurena -

2023ko urtarrilak 24 14:55

«Migrazio arloko konpetentziak Espainiarenak dira, eta berak hartuko ditu erabakiak. Guk elkarrizketa eskatuko dugu». Horrela mintzatu da Bingen Zupiria Eusko Jaurlaritzako bozeramailea Espainiako Gobernuak Gasteizen egin nahi duen nazioarteko babeserako harrera zentroari buruz. Azaldu du Arana klinikaren inguruan sortutako eztabaida amaitzeko konpromisoa hartu dutela Jaurlaritzako kideek. «Erakunde askoren arteko lana behar da gai honi erantzuteko. Elkarrizketa, koordinazioa eta lankidetza beharrezkoak dira».

Ikusi gehiago: Eusko Jaurlaritzak migrazio arloko eskumenak eskatu dizkio Madrili

Nabarmendu du migrazio arloko konpetentziak Espainiarenak badira ere zenbait politika Eusko Jaurlaritzak kudeatu behar izaten dituela. Horrek instituzioen arteko «etengabeko elkarrizketa» eskatzen du, «momentu honetan gertatzen ez den zerbait». Hala ere, Jaurlaritzak migrazio gaien gainean lan egiteko «konpromisoa» duela erran du Zupiriak, eta neurriak hartu dituztela: «Kontziente gara migrazio prozesuek eragiten dituzten zailtasunez, iheslarien egoeraz edo bakarrik heltzen diren adingabeen mugimenduaz».

Jonan Fernandez Trantsizio Sozialaren eta 2030 Agendaren idazkari nagusiak, berriz, azaldu du 2018an gertatu zen migrazio fenomeno bati erantzuten parte hartu zuela. Urte horren bigarren erdian 6.000 lagun inguru Araban, Bizkaian eta Gipuzkoan gelditu ziren denbora tarte batez, Frantziara edo Europako bertze herrialde batzuetara joan baino lehenago. Fenomeno horri erantzun nahian, pertsona horiei aterpea bilatzen hasi zen Jaurlaritza. Arana klinika erabiltzeko baimena eskatu bazuten ere, azkenean ez zuten erabili.

«Banakako arreta»

Arana klinikako lekuak murriztea eta Arabako, Bizkaiko eta Gipuzkoako bertze eremuetan baliabide gehiago jartzea proposatu du Lide Amilibia Gizarte Politiketako sailburuordeak. «Uste dugu hurbileko zerbitzu baterako, banakako arreta baterako eta integrazio prozesu baterako, tamaina ere garrantzitsua dela. Eta, gure ustez, 350 tokiko zentro bat ez da orain arte Espainiarekin partekatu dugun eredua».

Amilibiak azaldu du egoera ikusita, egokiagoa zaiola Oñatin, Tolosan (Gipuzkoa) eta Berrizen (Bizkaia) gune gehiago irekitzea, «eskariari aurre egiteko». Hala, uste du «koherentea» dela Arana klinikako proiektua mantentzea, betiere leku gutxiagorekin eta bertze lekuetan gune gehiago ezarriz gero.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sare Herritarrak antolatutako manifestazioa, Bilbon. ©Jaizki Fontaneda / Foku

Baldintzapean aske geratu da Jesus Mari Gomez euskal presoa

Iosu Alberdi

Gomezek 22 urte eta erdi egin ditu espetxean. 2021eko irailetik hirugarren graduan zegoen.

'Mozal legearen' aurkako protesta bat Gasteizen, iazko otsailean. ©Jaizki Fontaneda / Foku

'Mozal legea' aldatzeko txostenak aurrera egin du, ERCk bide emanda

Jon O. Urain

Espainiako Kongresuko Barne Batzordean eztabaidatuko dute gaiaz, baina orain arteko testuak aurrera egin du desadostasunak dauden lau puntuetan ados jarri gabe.

Ikasle Abertzaleen agerraldia, atzo, Gasteizen. ©BERRIA

IAk salatu du 34 ikasleri espedientea irekiko dietela

Berria

Manifestazio bat egingo dute otsailaren 16an Gasteizen, besteak beste, EHUn «kontrol soziala amaitu» dadin

<em>Mozal legearen</em> aurkako protesta bat, iazko otsailean. ©ELOY ALONSO / EFE

'Mozal legearen' erreforma ahalbidetzeko eskatu die PSOEk EH Bilduri eta ERCri

Xabier Martin - Jon O. Urain

Gaur batzartuko da Herritarren Segurtasunerako Espainiako Legea aldatzeko lantaldea. EH Bilduk ez du onartuko erreforma «light» bat

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.