Ligako hirugarren postuan zen Reala atzoko partidaren aitzinean, eta bertan mantendu da. Real Madrilen kontra jokatu zuen atzo. Ahalik eta gehien eutsi zioten buruz burukoari, eta hala erakutsi zuen partida amaierako markagailuak: 0-0. Ligako azaroaren 9tik honako jokaldi guztietan gailendu da, baina berdinketa izan da azken partidan. Bederatzi jokalari zituen Realak min hartuta; Imanol Alguacil entrenatzailearen ahotan, egoera «penagarria». Hala eta guztiz ere, txuri-urdinak puntu batekin itzuli dira etxera.
Lehen zatian Real Madril aritu zen nagusitasunez. Makal hasi ziren bi taldeak, baina berehala hartu zuen abiadura madrilgoek. Partidaren lehen erdia amaitzear zela, gola sartzeko aukerak izan zituzten etxekoek. Bigarrenean, berriz, txuri-urdinak sendo aritu ziren. Kontraerasoez baliatu ziren aurkarien atezainarengana heltzeko, baina emaitzarik ez.