Laguntzek 2.000.000 euroko aurrekontu-zuzkidura dute, eta 2023ko eta 2024ko ekitaldien artean gauzatuko dira Euskal Autonomia Erkidegoan.
Prestakuntza-erakunde pribatu edo publiko akreditatuei zuzenduta, teleprestakuntzako modalitatean, eman nahi diren profesionaltasun-ziurtagirietan eta probak eta tutoretzak egiteko saio-zentro presentzialekin.
Ekintza telematikoek ezagutza eta informazioa transmititzeko modua irauli dute azken urteotan. Komunikazioa errazten duen, hurbiltzen gaituen eta lan-merkatuan sartzeko gaitasun hobeak izateko prestatzen jarraitzen laguntzen digun aukera bat da.
Hori dela eta, Lanbidek telelaguntza-planak finantzatzeko laguntzak abiarazi ditu, helburu dutenak 2023ko eta 2024ko ekitaldietan Euskal Autonomia Erkidegoan lanik gabe dauden langileen enplegagarritasuna hobetzea.
Deialdi honek 2.000.000 euroko aurrekontua izango du guztira; 1.000.000 euro 2023ko ordainketa-kredituari dagozkio, eta 1.000.000 euro, 2024ko konpromiso-kredituari.
Laguntzen erakunde onuradunak
Prestakuntza-erakunde pribatu edo publikoak, baldintza hauek betetzen dituzten heinean: ez egotea Eusko Jaurlaritzako Hezkuntza Sailaren edo Ekonomiaren Garapen, Jasangarritasun eta Ingurumen Sailaren mende edo horietara atxikita.
Era berean, deialdi hau argitaratu baino lehen teleprestakuntza-modalitatean eskatzen diren profesionaltasun-ziurtagirietan akreditatuta egon beharko dute Lanbide-Euskal Enplegu Zerbitzuak kudeatzen duen prestakuntza-erakundeen erregistroan, autonomia-erkidegoko enplegurako prestakuntza-erakundeen beste edozein erregistrotan edo Estatuko Prestakuntza Erakundeen Erregistroan.
Gainera, erakundeei eskatzen zaie aurrez aurreko saioak egiteko gutxienez zentro bat edukitzea Euskal Autonomia Erkidegoan, han egin daitezen ebaluazio-probak eta tutoretzak, halakorik behar bada. Zentro horrek baimenduta egon beharko du deialdia argitaratu baino lehenago.
Aipatutakoaren ildotik, nahitaezkoa da, halaber, beharrezko giza baliabideak eta baliabide materialak izatea edo dirulaguntza esleitu ondoren baliabide horiek erabiltzeko konpromisoa hartzea.
Ordainketa-modua
Emakida-prozedura norgehiagoka bidez arautuko da. Prestakuntza-planeko prestakuntza-ekintza bakoitza banan-banan baloratuko da.
Ordaintzeko moduari dagokionez, emandako dirulaguntza bi zatitan ordainduko da, honela:
Lehen ordainketa, 2023ko ordainketa-kredituaren kargura, prestakuntza-planaren dirulaguntza guztiaren % 50, lehen prestakuntza-ekintzaren hasieraren jakinarazpena jaso ondoren.
Bigarren ordainketa, 2024ko konpromiso-kredituaren kargura, prestakuntza-planaren dirulaguntzaren gainerakoa, prestakuntza-ekintza guztiak amaitutakoan, lanekoak ez diren praktikak barne, diruz lagundutako jarduerak justifikatu ondoren.
Lanbiden izena emateko eskabidea egin ezazu LAN-F prestakuntza-aplikazioaren bidez edo href="https://www.lanbide.euskadi.eus/lanbide-hasiera/"> www.lanbide.euskadi.eusa> web-orrian, 2023ko otsailaren 16a baino lehen.
