Etxegabe bat hilik aurkitu dute gaur Hendaiako Kaneta portuan. Donibane Lohizuneko komisariak ikerketuko ditu gizonaren heriotzaren nondik norakoak.
Hendaiako CCAS Gizarte Ekintzarako Herri Erakundeak argitu duenez, «hamabi lotoki» ireki dituzte abenduaren 1etik martxoaren 31ra arteko tartean, «etxegabeek neguko hotzari aurre egin diezaioten». Frantziako estatuak plantan jartzen duen hotzaldiaren aurkako dispositiboa da.
Hil den bigarren etxegabea da aurten Euskal Herrian. Lehena Bilbon hil zen, urtarril bukaeran, haren kartoizko eta egurrezko etxolak su hartuta.
