Elur astuna izan dute Belaguan, Euskal Herriko Txapelketetan

Iraupen eskiko Euskal Herriko Txapelketak jokatu dira asteburuan Larra-Belaguako pistetan, teknika librean. Bigarren fasea izan da asteburu honetakoa. Aurreko fasea, otsailaren 11-12an jokatu zen Candanchun. Orduko hartan, teknika klasikoko erlojuaren kontrako probak eta errelebo mistoetako probak jokatu ziren.

Asteburu honetan, larunbatean, sprinteko lasterketak jokatu ziren modalitate librean, Ferial gunean, 1,2 km-ko distantzian seniorrak, 20 urtez azpikoak, 18 urtez azpikoak eta 16 urtez azpikoak, eta 500 metroko distantzian txikienak (14, 12 eta 10 urtez azpikoak). Igandean, berriz, teknika libreko distantziako probak jokatu ziren, erlojuaren aurka. Master, senior eta 20 eta 18 urtetik gorakoek 10 kilometroko distantzia osatu behar zuten, 16 eta 14 urtez azpikoek 5 km eta txikienek (12 eta 10 urtez azpikoek) 2,5 km.

Era berean, asteburu honetako probak Espainiako Koparako puntuagarriak eta FIS lasterketak izan dira maila absolutuetan, eta, ondorioz, partaidetza zabalagoa izan da. Hala, Eukadiko eta Nafarroako federazioetako ordezkariez gain, Aragoitik eta Kataluniatik ere eskiatzaile ugari bertaratu da Larra-Belaguara. Eta igandean, Argeles eta Azuneko frantsesak ere lehiatu ziren.

Euriak, lainoak eta tenperatura altuek nabarmen baldintzatu zituzten bi egunetako probak. Elur geruza fintzeaz gain, elurraren kalitatea ere dezente kaskartu zuen eguraldiak. Erorketa ugari izan zen baldintza horien ondorioz, eta probetako denborak ere ohikoak baino motelagoak izan ziren. Eskiatzaile gehienek azpimarratu zuten elurra «oso astuna eta arriskutsua» zegoela. Dena den, Belaguako estazioko langileek ahalegin eskerga egin zuten pista ahalik eta baldintza onenetan izateko. Klubetako partaideek ere goizean goizetik lagundu zuten pistak atontzeko lan horretan.

Larunbatean, sari banaketarekin hasi aurretik, azken lau urtetan Neguko Kirolen Euskal Federazioko Iraupen Eskiko batzordeko arduraduna eta urte askotan Tolosako Uzturre Elkarteko entrenatzaile, skiman etab. izan den Miguel Angel Txiki Plazasi esker ona adierazi zioten eskiatzaileek eta taldekideek, eta Uzturre elkartekoek txapela jarri zioten, urteotan guztiotan egindako lanaren aitortza: "zurekin ikasi eta gozatu dugu Eskerrik asko Txiki".

Denboraldia amaitzeko, martxoaren 19an Belaguan Uharte Martxa dago aurreikusia. Martxoaren 24, 25 eta 26an, berriz, Espainiako Txapelketak izango dira Bereten (Katalunia). Ikusi beharko da ea eguraldiaren eta elurraren baldintzek uzten duten denboraldi amaierako proba horiek egiten.

Hemen dituzue Hego Euskal Herriko eskiatzaileen sailkapenak bateratuta:

Sprint modalitatea (Larunbata, martxoak 11)
Emakumezkoak
U10- 500 m
1- Xare Garcia-Fresca Zoroquiain (Uharte) 3:47.83

U12-500 m
1- Iradi Elvira Diaz (Irrintzi) 2:30.84
2- Itzel Redrado Calvo (Erronkari) 3:22.71

U14-500 m
1- June Aranburu Arregi (Uzturre) 2:14.76
2- Helene Bueno Alberdi (Erronkari) 2:29.53
3- Inge Arin Salazar (Uzturre) 2:30.34

U16-1200 m
1-Ainhoa Montoya Uriarte (Uharte) 6:50.13
2- Nerea Cestona (Uzturre) 6:59.36
3- Laia Azpilgain Maiza (Uzturre) 7:20.15

U18-1200 m
1- Ainara Sarrias Garces (Erronkari) 6:07.23
2- Nahia Iturria Eslava (Uharte) 6:32.51

U20-1200 m
1-Alaia Juaristi Etxabe (Uzturre) 5:51.60
2- Laia Arakama Gutierrez (Uzturre) 6:57.55

Seniorrak-1200 m
1- Irati Cuadrado (Irrintzi) 5:03.72
2- Cynthia Martinez Ibero (Irrintzi) 5:45.40

Gizonezkoak
U10- 500 m
1- Beñat Gonzalez Villanueva (Uharte) 3:48.66

U12-500 m
1- Beñat Irigoien Garro (Erronkari) 2:40.87
2- Julen Zabala Thimm (Irrintzi) 2:45.11
3- Inhar Rosado Azkoiti (Irrintzi) 2:47.28

U14-500 m
1- Izei Irigoien Garro (Erronkari) 1:58.74
2- Adur Redrado Calvo (Erronkari) 2:03.86
3- Jon Bea Otermin (Irrintzi) 2:14.20

U16-1200 m
1- Luka Garcia-Fresca Zoroquiain (Uharte) 5:09.93
2- Ibai Letona Garaikoetxea (Irrintzi) 5:05.57
3- Aitor Maeztu Purti (Irrintzi) 5:40.70

U18-1200 m
1- Hodei Juaristi Etxabe (Uzturre) 4:51.75
2- Urtzi Goñi Ros (Irrintzi) 5:11.02
3- Mikel Portillo Samper (Uharte) 5:18.37

Master 1- 1200 m
1- Harkaitz Labeaga Tarrega (Uzturre) 5:21.99
2- Igor Aranburu Eskisabel (Uzturre) 5:28.44
3- Koldo Rosado Martinez (Irrintzi) 6:19.47

Master 2- 1200 m
1- Iñigo Aldaz Oroz (Erronkari) 5:01.83
2- Jesus Beltran de Lubiano Gonzalez de (Uharte) 7:46.89

Seniorrak-1200 m
1- Lander Martin (Irrintzi) 4:07.96
2- Alejandro Razquin Mangado (Uharte) 4:41.68
3- Unai Sanz Valles (Uharte) 4:45.93

Distantziako modalitatea (Igandea, martxoak 12)
Emakumezkoak
U10- 500 m
1- Xare Garcia-Fresca Zoroquiain (Uharte) 15:30.5

U12-2.500 m
1- Itzel Redrado Calvo (Erronkari) 13:39.0

U14-2.500 m
1- June Aranburu Arregi (Uzturre) 16:57.4
2- Helene Bueno Alberdi (Erronkari) 19:37.2
3- Inge Arin Salazar (Uzturre) 20:24.5

U16-5.000 m
1-Ainhoa Montoya Uriarte (Uharte) 21:03.3
2- Irati Larramendi Lorente (Uzturre) 23:16.7
3- Laia Azpilgain Maiza (Uzturre) 25:53.4

U18-10.000 m
1- Ainara Sarrias Garces (Erronkari) 35:22.2

U20-10.000 m
1-Alaia Juaristi Etxabe (Uzturre) 33:44.1
2- Naroa Amantegi Larrea (Uzturre) 41:05.9
3- Laia Arakama Gutierrez (Uzturre) 50:19.9

Seniorrak-10.000 m
1- Irati Cuadrado (Irrintzi) 27:37.3
2- Cynthia Martinez Ibero (Irrintzi) 33:23.5

Gizonezkoak
U12-2.500 m
1- Beñat Irigoien Garro (Erronkari) 10:33.9
2- Oihan Capel Gaston (Uharte) 10:41.7
3- Inhar Rosado Azkoiti (Irrintzi) 10:58.9

U14-2.500 m
1- Adur Redrado Calvo (Erronkari) 14:09.6
2- Izei Irigoien Garro (Erronkari) 15:20.9
3- Andde Elizburu Azpiazu (Irrintzi) 16:14.4

U16-5.000 m
1- Luka Garcia-Fresca Zoroquiain (Uharte) 15:47.5
2- Ibai Letona Garaikoetxea (Irrintzi) 16:57.7
3- Aitor Maeztu Purti (Irrintzi) 18:19.7

U18-10.000 m
1- Hodei Juaristi Etxabe (Uzturre) 31:33.4
2- Urtzi Goñi Ros (Irrintzi) 36:17.6
3- Mikel Portillo Samper (Uharte) 36:58.0

U20-10.000 m
1- Jurgi Irurieta Echeveste (Urdab) 30:35.1

Master 1- 10.000 m
1- Harkaitz Labeaga Tarrega (Uzturre) 31:02.6
2- Igor Aranburu Eskisabel (Uzturre) 34:06.4
3- Koldo Rosado Martinez (Irrintzi) 40:35.9

Master 2- 10.000 m
1- Iñigo Aldaz Oroz (Erronkari) 29:29.3
2- Peru Esteban Esparza (Uharte) 37:26.0
3- Jesus Beltran de Lubiano Gonzalez de (Uharte) 50:38.7

Seniorrak-10.000 m
1- Lander Martin (Irrintzi) 25:47.3
2- Unai Sanz Valles (Uharte) 30:17.8
3- Daniel Martinez Ibero (Irrintzi) 30:26.0