Asteburuan Aranzadi zientzia elkarteak egindako indusketetan ondorioztatu dute, baietz, gaztelu bat egon zela garai baten Gazteluaitzen (Oñati, Gipuzkoa). Hipotesien arabera, Goi Erdi Aroan –X. edo XI. mendean– egon zen gaintxoan eta aurkitutako aztarnen arabera, ez zen oso handia izango.
Gazteluaitzen hiru tokitan egin dituzte asteburuan indusketa arkeologikoak, eta ondorio argia atera dute: gaztelu bat egon zen Gazteluaitzen. Hipotesien arabera, gaztelu txikia izango zen, tontorrean soilik aurkitu baitituzte aztarnak. Antxoka Martinez arkeologoaren esanetan, «gaztelu txikia izango zen, Goi Erdi Aroan egongo zen, X. edo XI. mendean, eta bigarren mailako bide bat behatzeko erabiliko zen, seguru asko». Gainaldean, horma txiki bat ikusi dute, bai eta, gaztelua kokatuta egon zen eremuan harriak ondo landuta daudela ere. Terrazamenduaren aztarnak ere aurkitu dituzte, bai eta betelana egiteko erabili zituzten harriak ere.
Segi irakurtzen Goiena.eus webgunean:Gazteluaren aztarnak aurkitu dituzte Gazteluaitzen