«Antzinako Nafarroako Erresuma: tradizioak, gastronomia ona eta erromesaldiak». Hitz horiek erabili dituzte Alemaniako bidaia agentzia batzuek Nafarroako turismoaren iragarkietan. Beste nonbaiteko irudiarekin, ordea: Donostiaren irudi orokor batekin. Hainbaten artean, bertan ikus daitezke Kontxa pasealekua, Santa Klara uhartea, Urgull mendia; baita Igeldo ere. Nafarroakoa den bakarra Bardeako Menditxiki da, Nafarroako Turismo Zuzendaritza Nagusiaren logoaz gain.
Turismo zuzendaritzak ziurtatu du ez dutela zerikusirik sustapen kanpaina horrekin, eta hura erabili duten bidaia agentziak topatzen ari direla. Maria Txibite Nafarroako presidenteak ere argitu du gobernuak ez duela zerikusirik iragarki horrekin: «Ez dagokio Nafarroako Gobernuko webgune ofizial bati, ezta Alemanian duen kanpaina bati ere». Esan duenez, «gertakaria baloratu ostean», «dagokion legebidera jo» dezakete, Nafarroako logotipo ofizialak erabiltzeagatik.
Esto no corresponde a ninguna web oficial, ni a campaña turística de @gob_na en Alemania. @gob_na se reserva su derecho a tomar las acciones legales que considere oportunas por utilización sin autorización de sus logotipos oficiales tras valorar los hechos. https://t.co/r3VSxpjk1l
— María Chivite / â¤ï¸Ã‚ (@mavichina) March 20, 2023
