Susto galanta izan zuen atzo arratsaldean Zumaiako (Gipuzkoa) Telmo Deun arraun elkarteko arraunlari talde batek. Trainerilla ligan murgilduta dago kluba, eta ontzi horietako batekin ari ziren entrenatzen mutilak Urolaren itsasadarrean. Bokalera hurreratu zirenean, baina, olatu batek eraman egin zuen ontzia, baita irauli ere.
18:30ak aldera gertatu zen. «Antxoatan dauden arrantza ontziei begira geunden, eta han ikusi dugu trainerilla bat zegoela Santiago hondartzaren aurrean. Haize olatu handia zegoen, eta olatu horietako batek ontzia jo du. Arraunlariek kontrola galdu dute, eta halako batean irauli egin da», adierazi dio Baleike-ri lekuko batek. Herritar horrek larrialdietako telefonora deitu duen bitartean, bertan zeuden beste lagun batzuk klubeko arduradunei deika hasi ziren. Klubetik bi lantxa bidali zituzten arraunlariak erreskatatzera.
Jarraitu irakurtzen:Arraunlari talde bat erreskatatu dute Santiago parean trainerilla irauli ondoren