LAB sindikatuaren arabera, Siemens Gamesa enpresak Asteasun (Gipuzkoa) duen plantan ABEE enplegua aldi baterako erregulatzeko espedientea egitea proposatu du, lan karga jaitsi egin dela argudiatuta. Sindikatuak dio ez duela espediente hori onartzen, ABEEa aplikatzeko arrazoi horiek egia ez direlakoan.
Izan ere, LABen iritziz, ez da egia lan karga jaitsi denik: «Lan kargaren jaitsiera hori ez da gertatzen errealitatean, eta onartezintzat jo du sekulako irabaziak dituen enpresa horretan langileen kontura bermatzen jarraitu nahi izatea diru sarrera horiek».
Maiatzaren 2an jakinarazi zion lantegiko zuzendaritzak enpresa batzordeari ABEEa aplikatzeko asmoa zutela, eta maiatzaren 8an amaitu zen espedientea negoziatzeko epea. LABek adierazi duenaren arabera, ez da akordiorik egon sindikatuen eta zuzendaritzaren artean egin dituzten hiru bileren ostean.
