LKS Next aholkularitza taldeak 53 milioi fakturatu ditu 2022an
Mondragon kooperatibako taldearen salmentak %28,8 handitu dira hiru urtean, eta ia berrehun langile gehiago ditu.
Hazkunde prozesu betean da LKS Next aholkularitza taldea. Mondragon kooperatibako taldeak inoizko emaitzarik onenak izan zituen iaz: 53 milioi euro fakturatu zituen (+%28,8). Gaur eman ditu datuok Elena Zarraga aholkularitza taldeko zuzendariak, urtean behin egiten duten batzarrean, eta iragarri du lantaldea handitzeko asmoa dutela.
Taldeak bi helburu zehaztu zituen 2021ean onartutako Plan Estrategikoan: hiru urteko epean 56 milioi euroren salmentak lortzea eta berrehun enplegu gehiago sortzea. Garai hartan bostehun langile inguru zituen, eta, egun, 670 inguru. Bada, aurreikusitako epea baino urtebete lehenago beteko dituzte bi asmo horiek. «Nahiz eta testuinguru ekonomikoa makala den, etenik gabe hazten ari da LKS Next», adierazi du goizeko batzarrean Zarragak.
Eta, «lorpen horiei esker», Espainiako merkatuko ehun enpresa teknologiko indartsuenen artean sartu da aurten. Enpresak sektore teknologikoa jarri du lehen lerroan. Zibersegurtasunaren, azpiegitura teknologikoen, konputazio kuantikoan oinarritutako enpresa txikien eta inteligentzia artifizialaren sektorean jarduten dute batez ere.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
