Irudi ikusgarriak utzi ditu bart Nafarroako Erriberan eginiko kazkabar ekaitzak. Fiteroko kaleak izotz ibai bihurtuta ikusten dira sare sozialetan zabaldu dituzten bideoetan, eta txingorra kentzeko indusmakinak erabili behar izan dituztela.
Tremendas las imágenes que circulan por WhatsApp de Fitero, que ayer empezó sus fiestas @Noainmeteopic.twitter.com/rQjuhqQioc
— Anika. A. (@Melon45819581) September 10, 2023
Cintruenigon eta Corellan ere gogor jo du kazkabar ekaitzak, eta Erriberatik kanpo, Artaxoan ere bai. Fiteron, Cintruenigon eta Artaxoan, gainera, jaiak ospatzen ari dira egunotan.
#ekaitza#kazkabarra#fiteropic.twitter.com/FvN7OTeTy9
— Borja Arrieta (@barrieta84) September 10, 2023
Lizarraldean eta Sakanan ere asko egin du, baina, batez ere, euria. Lizarrako meteorologia estazioan metro koadroko 60,5 litro neurtu dituzte azken 24 orduotan, eta Aralarkoan, 28,8.
Gaurko ere, alerta horia ezarri dute AEMET meteorologia agentziak Nafarroako Erriberarako, eta esan dute litekeena dela ordu batean 15 litro egitea metro koadroko. Ohartarazi dutenez, bihar Atlantikoko isurialdean egingo du euria.
