Jose Luis Rodriguez Zapatero jarduneko presidente eta PSOEren hautagaiak irabazi ditu Espainiako hauteskundeak. Botoen %97,57 zenbatuta %43,69 dira sozialistentzat, 169 diputatu. Hala ere, hasierako zundaketek iragarritako gehiengo osotik -176 diputatu- urrun samar geratu da.
PPk, berriz, botoen %40,13 eskuratu ditu, eta 154 diputatu. Bozak ez irabazi arren, duela 4 urte baino emaitza hobeak izan ditu bai bototan (%40,10) bai diputatutan (154, 2004an baino 6 gehiago).
Euskal Herriko alderdiei dagokionez, EAJk ordezkari bat galdu du (7tik 6ra jaitsi da Bizkaikoa galduta). EAk galdu egin du bere diputatua (Gipuzkoan lortu zuen 2004an, eta PSEk eskuratu du orain), eta NaBaik eutsi egin dio bere diputatuari.
Katalunian, berriz, CiUk aurreko legegintzaldiko diputatu kopuru berari eustea lortu du; hots, 10 izango ditu. ERCk, aldiz, bost galdu ditu (8 diputatu izatetik 3 izatera igaro da).
IUk, berriz, botoen %3,82 eskuratu ditu, 2004an baino %1,1 gutxiago. Diputatu kopuruan ere beherakada nabarmena izan du: 2rekin geratu da, 3 galduta.
Espainiako Gorteetarako hauteskundeak
Zapaterok irabazi ditu Espainiako hauteskundeak
Botoen ia %44 jaso ditu, eta 169 diputatu lortu ditu. PPk, berriz, botoen %40 eta 154 aulki. EAJk 6 parlamentari izango ditu 2004an baino bat gutxiago; NaBaik duela lau urtekoari eutsi dio, eta EAK galdu egin du berea. CiUk aurreko legegintzaldiko parlamentari kopuruari eutsi dio, eta ERC 3ra jaitsi da, bost galduta. IUk beherakada handia izan du: 2 diputaturekin geratu da 3 galduta.
Iruzkinak
Ez dago iruzkinik
Ordenatu
