Albistea entzun

Euskadi Ta Askatasunaren oharra Euskal Herriari

 

Berria -

2009ko maiatzak 20 09:08
"Duela egun gutxi bere senideek eta amnistiaren aldeko mugimenduak salatu duten eran Ahetzen bizi zen Jon Anza ETAko militante donostiarrak desagerturik darrai. ETAk, nazio askapenerako euskal erakunde sozialista iraultzaileak Jonen desagerpena dela-eta ondorengo argipenak eta salaketak burutu nahi ditu: Argipenak: - Jon Anza ETAko militantea zen aspalditik. 20 urtetik gora iragan zituen preso Espainiako sarraski espetxeetan. 2004tik aurrera berriz torturapean eta espetxean ez erortzearren Lapurdin lekutu zuen bere etxebizitza. - 2009ko hastapenetik garunean garatutako minbizi batek ikusmena nabarmen galtzera eraman zuen. - 2009ko hastapen horretan Jonek mendi zulo batean zuen Erakundearen material informatikoa aurkitu zuen Poliziak, bere hatz markekin. Ez zuen poliziaren salaketarik jaso. Poliziak gertaera hau ezkutatu zuen baina honen ondorioz ETArekin harremana zuela ezagutu zuen. - Apirilaren 18an, desagertu zen egunean, ETAko egitura batekin hitzordua zuen Jonek Okzitaniako Tolosa hiri erdigunean. Hitzordu honetara etortzeko trena hartu zuen Baionan. Jonek soinean Erakundearentzat zen diru kopuru bat zekarren. Bere neska lagunak tren barruraino lagundu zuen. Beraz, trena hartu zuela zalantzarik gabe baieztatu daiteke. Bere neska laguna izan da Jon ikusi zuen azken konfiantzazko laguna. - Jon ETArekin Tolosako erdigunean zuen hitzordura ez zen agertu. Egun berean eta biharamunean, badaezpada ezarrita zeuden hitzorduetara ez zen agertu. - Jonek hilabete darama desagerturik. Aurrekariak eta Euskadi Ta Askatasunaren salaketa: - Egoera antzekoak bizi izan ditugu gure herrian azkeneko hamarkadetan. Gogoratu besterik ez dago Joxi eta Joxean, Anuk, Ttotto edo Basajaunen heriotzak. Orain Jonen desagerpenak Pertur, Naparra eta Popo Larreren desagerpenetara eramaten gaitu ezinbestean. - Azken urteetan behin-behineko bahiketa besterik izendatu ezin daitezkeen atxiloketa estrajudizialak burutu ditu Espainiako Poliziak eta Guardia Zibilak kolaborazio eta informazio eske. Aspaldi gabe iheslari bat bahitu zuten ordu batzuetan zehar Espainiako eta Frantziako poliziek Donapaleu inguruetan ere. - Euskal Herria eta Frantziako Estatuko hegoalde osoa, hots, Bordeletik Tolosara eta Landetatik Pirinioetara guardia zibilez lepo dago, 2008tik aurrera era ikusgarrian gainera. - Frantziako Gobernuaren oniritziarekin burutu dira Espainiako polizia indar hauen lekukotzeak, eta Frantziako Estatua da, eta aurrerantzean izango da, polizia horiek burutzen dituzten desmartxen erantzulea. Jakin bezate Frantziako agintariek Espainiaren poliziak eta beraien metodoak inportatuz «Espainiako arazoa eta gerla» deitu izan duten hori Frantzia osora inportatzeko urrats arriskutsua ematen ari direla. - Hilabetez desagertuta eman ondoren Jon bizirik dagoen esperantza urtzen da. Arestiko aurrekariak eta datuak kontuan hartuta Jonen desagerpenaren atzean, GALen garaietan bezalaxe, Espainiako poliziak eta Frantziako kolaborazionismoa daudela zalantzarik ez dugu. - Sarkozyk gau eta egunez ETArekin bukatzeko pentsatzen ari dela, eta Rubalcabak 2016rako ETA desagertua egongo zela ziotenean zertaz ari ziren benetan? - Arestiko datu eta aurrekariak kontuan hartuta Jonen desagerpenaren atzean Frantzia eta Espainiako estoldak dauden zalantzarik ez dugu. Alliot Marie eta Rubalcaba terrorismoaren estrategak erantzun dezatela: - Non dago Jon? - Zer egin duzue Jonekin? Ohar honen bidez haren sendia eta lagunei gure gertutasunik beroena helarazi nahi genieke lehenik. Era berean euskal herritarrak Jonen desagerpena ozen salatzera deitzen ditugu. Gerla zikina, PSOEren dotrina! Espainia eta Frantzia hiltzaileak! Gora Jon! Gora Euskal Herria Askatuta! Gora Euskal Herria Sozialista! Jo ta ke independentzia eta sozialismoa lortu arte! Euskal Herrian, 2009ko Maiatzaren 18an Euskadi Ta Askatasuna E.T.A."

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lanbidek dirulaguntzen deialdi bat jarri du abian. ©LANBIDE

Lanbidek dirulaguntzen deialdi bat jarri du abian, lehentasunez langabeei zuzendutako teleprestakuntza-planak finantzatzeko

Lanbide

Laguntzek 2.000.000 euroko aurrekontu-zuzkidura dute, eta 2023ko eta 2024ko ekitaldien artean gauzatuko dira Euskal Autonomia Erkidegoan.

Eusko Label sor-markako barazkiak, Eroskiren saltoki batean. ©EROSKI

Eroskik bere hornitzaileen iraunkortasuna bultzatzen du

Eroski

Eroski kooperatibaren helburua da nekazaritzako elikagaien ekoizleei laguntzea ingurumenaren, gizartearen eta gobernu korporatiboaren aldeko jarduna hobetzeko garaian.

Zipriztinak: Ion Artetxe

ZIPRIZTINAK bideo-sorta aurkezten dizuegu

Euskal Idazleen Elkartea

«Zer garen erakusteko beste modu bat da. Ikusi, gozatu eta zuen inguruan zabaldu, idazketari eta irakurketari lotzeko gonbita baitira»

Zipriztinak:  Iosune de GoƱi

ZIPRIZTINAK bideo-sorta aurkezten dizuegu

Euskal Idazleen Elkartea

«Zer garen erakusteko beste modu bat da. Ikusi, gozatu eta zuen inguruan zabaldu, idazketari eta irakurketari lotzeko gonbita baitira»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...