Albistea entzun

italiako Giroa

Mikel Nieve garaile Giroko etaparik menditsuenean

Euskaltel-Euskadik irabazi ditu asteburuko bi etapak. Garzelli sartu da gaur bigarren, 1.41era; Contador hirugarren 1.51ra. Nieve bosgarren dago sailkapen nagusian, Anton hamaikagarren.

Mikel Nieve garaile sartzen gaur Giroan.
Mikel Nieve garaile sartzen gaur Giroan.

Berria -

2011ko maiatzak 22 12:21

Asteburu biribila izan da Euskaltel-Euskadirentzat Italiako Giroan: atzo Igor Anton garaile, gaur Mikel Nieve (Leitza, 1984). Bi etapak ere, mendian. Gaurkoa —itzuliko 15.a— izan da, hain zuzen, Giroko etaparik menditsuena (Conegliano-Gardeccia val di Fassa, 229 kilometro): lehen mailako mendatean amaitu da, eta aurretik maila bereko beste bi izan dituzte, maila bereziko bat eta bigarrengo bat.

Stefano Garzelli sartu da bigarren, 1.41era. Alberto Contador hirugarren 1.51ra. Igor Anton 7.59ra iritsi da.

Oso etapa mugitua izan da, borrokatua. Denera sei mila metroko desnibela izan dute —orain arte gehien—, eta Nieve hasieratik aritu da aurrean. Pazientzia handiz jokatu du, une batean Garzellik alde egin duenean minutu bat pasara egon zelako Euskaltelekoa atzetik. Azkeneko mendatearen hasieran harrapatu du hura, eta segituan jo dio erasoa; helmugara artean aldea handituz joan da. Contador indartsu zetorren atzetik, baina ez dio astirik eman Nieve harrapatzeko.

Bigarren garaipena du profesionaletan Nievek. Iaz Espainiako Vueltako etapa bat irabazi zuen.

Contadorrek berak segitzen du lider, aldea handituta. Michele Scarponi dago bigarren orain, 4,20ra. Hirugarren Vincenzo Nibali, 5.11ra. Nieve bosgarren dago, 7.03ra. Anton hamaikagarren, 9.37ra. 

Bihar atseden eguna izango dute. Etzi, krono-igoera, 12,7 kilometrokoa.

Hilaren 29an bukatuko da Giroa, Milanen.

Orain arteko etapak 

- 1. etapa / Irabazlea: Highroad taldea. Liderra: Marco Pinotti.

- 2. etapa / Irabazlea: Alessandro Petacchi. Liderra: Mark Cavendish.

- 3. etapa / Irabazlea: Angel Vicioso. Liderra: David Millar.

- 4. etapa / Ez zuten lehiatu, Wouter Weylandt zenaren omenez (aurreko egunean hil egin zen Giroan). Liderra: David Millar.

- 5. etapa / Irabazlea: Pieter Weening. Liderra: Pieter Weening.

- 6. etapa / Irabazlea: Francisco Ventoso. Liderra: Pieter Weening.

- 7. etapa / Irabazlea: Bart De Clerq. Liderra: Pieter Weening.

- 8. etapa / Irabazlea: Oscar Gatto. Liderra: Pieter Weening.

- 9. etapa / Irabazlea: Alberto Contador. Liderra: Alberto Contador.

- 10. etapa / Irabazlea: Mark Cavendish. Liderra: Alberto Contador.

- 11. etapa / Irabazlea: John Gadret. Liderra: Alberto Contador.

- 12. etapa / Irabazlea: Mark Cavendish. Liderra: Alberto Contador.

- 13. etapa / Irabazlea: Jose Rujano. Liderra: Alberto Contador.

- 14. etapa / Irabazlea: Igor Anton. Liderra: Alberto Contador.

- 15. etapa / Irabazlea: Mikel Nieve. Liderra: Alberto Contador.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Andoni Iruretagoiena 'Izeta VI', bart, Azpeitian, txapela jantzita. ©Idoia Zabaleta / Foku

'Zelai III.a' eta 'Izeta VI.a', euskal pentatloiko txapeldunak

Berria

Garai berrietako denborarik onena egin zuen Izeta VI.ak: 33:29. Bigarren izan zen Joseba Otaegi, eta hirugarren Julen Gabirondo. Zelai III.a emakumezkoen lehen ekitaldiko txapelduna da.

Osasunako jokalariak, gaur, Javi Martinezen gola ospatzen. ©Cati Cladera / EFE

Osasunak hirutik hiru irabazi ditu etxetik kanpo

Paulo Ostolaza

Javi Martinezek 88. minutuan hautsi du berdinketa, eta Mallorcari penalti bat baliogabetu diote 96. minutuan.

Alaveseko jokalariak Laguardiak sartutako gola ospatzen. Arabarrek sasoiko lehen garaipena lortu zuten gol horri esker. ©ENDIKA PORTILLO / FOKU

Indarrez berpiztu da

Eñaut Agirrebengoa

Alavesek denboraldiko lehen puntuak lortu ditu, etxean Atletico Madrili irabazita. Hasi eta berehala jarri da aurretik, eta, gero, sendotasun handiz iraun du zutik

Valentziak luzapenean sartu zuen banakoa. ©KAI FÖRSTERLING / EFE

Saririk gabeko marka

Haritz Gallastegi

Athletici azken unean berdindu diote Valentzian. Williamsek 202. partida jokatu du segidan ligan, Larrañagaren marka berdinduz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria