Albistea entzun

kutxen bateratzea

Kutxaren batzarrean ere %92 pasako babesa eman diote kutxen bat egiteari

Banatuz ezker abertzaleko bezeroen plataformak alde bozkatu du, Bilduk lortutako akordioagatik. LAB abstenitu egin da. BBKn eta Vitalen lehengo astean egin zituzten batzarrak. Helburua Kutxa Bank 2012. urtea hasi bezain pronto martxan egotea da.

Berria.info -

2011ko irailak 23

Banatuz ezker abertzaleko bezeroen plataformak kutxen bat-egitearen alde bozkatu du gaur, Kutxaren ezohiko batzar nagusian, eta, ondorioz, BBK Bizkaiko aurrezki kutxaren, Vital Arabakoaren eta Kutxa Gipuzkoakoaren bat egiteak gaurkoan ere %90 pasako babesa jaso du (%92,8). 98 kontseilarietatik (bi ez dira agertu) 91k bat egitearen alde bozkatu dute. Aralar, EB eta ELAk aurka bozkatu dute –bost ordezkari dituzte hiruren artean—, eta LAB abstenitu egin da, lan baldintzen arloan akordiorik ez dagoelako. H1!-eko ordezkari bat ere abstenitu egin da.

BBK eta Vitaleko batzarrak lehengo astean egin zituzten: BBK-koan 92 kontseilarik bozkatu zuten bateratzearen alde, eta seik kontra, Vitalekoan 95 alde, bi aurka, hiru abstentzio.

Banatuz-ek hamabi ordezkari ditu Kutxako batzarrean. Berez, kutxek banku bat sortzearen kontra dago, baina kutxetako zuzendaritzek Bildurekin lortutako akordioaren ostean jarrera aldatu du.

18:30ean hasi da bilkura, Donostian.

Gaurkoaren ondoren, Kutxa Bank zuzenduko duen administrazio kontseilariak izendatuko dituzte. Hogei izango dira, guztira. BBKri hamabi dagozkio (%60), Kutxari sei (%30), eta Vitali bi (%10). Gutxi gorabehera, banaketa kutxa bakoitzak duen parte hartzearekin bat dator. Helburua Kutxa Bank 2012. urtea hasi bezain pronto martxan egotea da. Banku berriak 75.000 milioi euroren aktiboak izango ditu, 1.300 bulego eta 9.000 langile. Giro ekonomikoa alde izanik, egungo emaitzak hirukoizteko aukera lukeela diote azterketa batzuek: 2010. urtean izandako 380 milioi euroko irabazietatik 846 milioi eurora.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©MONIKA DEL VALLE / @FOKU

Turismoa sasoi betean da berriro

Julen Otaegi Leonet

Turismoak atzean utzi ditu sasoirik gogorrenak. Iaz, martxa hartzen hasia zen, eta, aurten, abian da jada. Euskal Herrian gauzak aldatzen hasi diren seinale: landetxeak beteta, hotelak jendetsu, eta kanpinetan kabitu ezinik. Nahikoa lan badute langileek; BERRIArekin hitz egiteko tarterik ere bai.

EBZko presidente Christine Lagarde, artxioko irudi batean. ©RONALD WITTEK / EFE

Euriborrak %1 gainditu du abuztuko lehen erdian

Xabier Martin

Hipoteken interesak finkatzeko erabiltzen den erreferentzia nagusia gora eta gora doa

Gipuzkoako Ogasuneko arduradunak. ©GFA

Zerga bilketa %10 igo da uztailera arte Araba, Bizkai eta Gipuzkoan

Xabier Martin

Hiru lurralde horietako foru ogasunek 9.393,5 milioi euro metatu dituzte urteko lehen zazpi hilabeteetan

Errenterian (Gipuzkoa) egindako elkarretaratzea, joan den astean, bi langileren heriotza salatzeko. ©Monika del Valle / Foku

Garraiolari bat hil da Oiartzunen, lanean ari zela ondoezak jota

Berria

Aurten 50 behargin hil dira lan istripuen ondorioz, LAB sindikatuak berri eman duenez. Elkarretaratzera deitu dute biharko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...