Albistea entzun

mundua

Bakearen Nobel saria, emakumeen aldeko borrokari

Ellen Johnson Sirleaf Liberiako presidentea, Leymah Gbowee Liberiako ekintzailea eta Tawakkul Karman Yemengo ekintzailea dira sarituak.

Ellen Johnson Sirleaf, Leymah Gbowee eta Tawakkul Karman.
Ellen Johnson Sirleaf, Leymah Gbowee eta Tawakkul Karman.

Berria -

2011ko urriak 7

Ellen Johnson Sirleaf, Leymah Gbowee eta Tawakkul Karman-i emango diete aurtengo Bakearen Nobel saria, "emakumeen segurtasunagatik eta emakumeek bakearen eraikuntzan parte-hartze osorako duten eskubidearen alde egindako indarkeriarik gabeko borrokagatik", Suediako Zientzien Errege Akademiak gaur 11:15ak aldera jakinarazi duenez.

Ellen Johnson Sirleaf (Liberia, 1938) Liberiako Gobernuko presidentea da. Afrikan demokratikoki hautatutako lehen emakume gobernuburua izan zen —2005ean—. Bakearen alde lan egiteaz gain, herrialdeko emakumeen baldintzak hobetu nahian aritu da.

Leymah Gboweek (Liberia) bere herrialdeko gerra bukatzeko ahalegin handia egin zuen, eta emakumeek hauteskundeetan parte hartzeko eta Afrikan eragina izateko lan egin du.

Tawakkul Karman (Yemen) bere herrialdeko emakumeen eskubideen alde aritu da, baita demokrazia eta bakea lortzeko ahaleginean ere. "Herrialde arabiarretako iraultza denei" eskaini die saria.

Iaz Liu Xiaobo Txinako disidenteari eman zioten Bakearen Nobel saria, duela bi urte Barack Obama AEBetako Gobernuko presidenteari.

2011ko Nobel saridunak (orain arte jakinarazitakoak)

Medikuntza. Jules Hoffmann, Bruce Beutler eta Ralph Steinman-i, immunitate sistemaren ikerketagatik.
- Fisika. Saul Perlmutter, Brian P. Schmidt eta Adam G. Riess-i, unibertsoaren hedapen azkarrari buruz egindako lanengatik.
- Kimika. Daniel Shechtmani, kuasikristalen aurkikuntzagatik.
- Literatura. Tomas Transtromerri, "errealitaterako bestelako sarbide bat" eskaintzen duen obra poetikoagatik.
- Bakea. Ellen Johnson Sirleaf, Leymah Gbowee eta Tawakkul Karman.

Astelehenean Ekonomikoaren Nobel saria jakinaraziko dute.

Stockholmen izango da sari banaketa ekitaldia, Bakearen Nobel sariarena izan zen —hori Oslon izan ohi da—. Biak ere, abenduaren 10ean.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Koronabirusak hildaoen omenezko kandelak piztu zituzten atzo Bernan, Suitzan. / ©Anthony Anex, EFE

Ospitaleratzeak igo egingo direla ohartarazi du OMEk

Arantxa Elizegi Egilegor

Omikron aldaera 60 herrialdetan atzeman dute dagoeneko. Kutsatzeak egonkortu egin dira mundu mailan, baina Afrkan nabarmen zabaldu dira.

Olaf Scholz sozialdemokrata, koalizio akordioa sinatu osteko agerraldian. / ©Clemes Bilan, EFE

Alemaniako kantziler aukeratu dute Scholz

Arantxa Elizegi Egilegor

Alderdi Demokratiko Librearen eta Berdeen babesa jaso du Alemaniako Alderdi Sozialdemokrataren kantzilergaiak. Pandemia eta nazioarteko agenda izango ditu erronka nagusi.

Fronte Polisarioko soldaduak Mahbesen, Mendebaldeko Saharan. Urtebete da Polisarioak gerra egoera ezarri zuela, Marokoren erasoei erantzunez. ©MANUEL LORENZO / EFE

SEADek ezinezkotzat jo du Marokorekin irtenbide baketsu bat adostea

Arantxa Elizegi Egilegor

Rabaten «krimenei» entzungor egitea leporatu dio Ghalik nazioarteari. Salatu dute Sultana Khaia ekintzaile sahararra jipoitu eta bortxatu egin dutela. Khaiak urtebete darama etxeko atxiloaldian

Joe Biden, pantailan, eta Vladimir Putin, atzo, bien arteko bilera hasi aurretik. ©MIKHAEL METZEL / EFE

Bidenek adierazi dio Putini zigorrak ezarriko dizkiola Ukrainari eraso eginez gero

Igor Susaeta

AEBetako presidenteak eskatu dio Errusiakoari «bide diplomatikoak» ibil ditzala. Washington «koordinatuta» dago Europako potentziekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.