Athleticeko peñen deia igande arratsalderako

 

Berria -

2012ko apirilak 12

Athleticeko peñek "martxa isila" antolatu dute iganderako, Iñigo Cabacasen alde. Athletic eta Mallorcaren arteko partida baino ordu eta erdi lehenago hasiko da, Moyua plazan, 16:30ean, eta San Mames futbol zelaian amaituko da.

Horrekin batera, beste hainbat proposamen egin dituzte: partidako zati bakoitzeko 9. minutuetan isilik egotea eskatu dute, eta 10. minutuan txalo egitea. Gainera, Athletici eskatu diote egun horretan klubaren ereserkia ez jartzeko, "errespetua" erakusteko.

Athleticek minutu bateko isilunea gordeko du partida hasi baino lehen; 18:00etan hasiko da norgehiagoka.

Athleticek Cabacasen familiaren alboan egoteko konpromisoa agertu du

Javier Aldazabal Athleticeko idazkariak babes osoa agertu dio gaur Iñigo Cabacasen sendiari, eta haiekin harremanetan jarri dela azaldu du.

"Oso zaila da ezer esatea, baina haiekin egon nahi dugu, bai orain eta baita etorkizunean ere", esan du Ibaiganen egindako agerraldian. Athleticen konpromisoa familiaren alboan egotea dela berretsi du.

Aldazabalek gaineratu du Athletic prest dagoela Cabacas gogoratzeko bestelako ekimenekin bat egiteko, "zentzua" badute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna