Motzean

TASek errefuxatu egin du Spirig triatloilariari bigarren urrea emateko eskaria

Garcia Bragado (Espainiako 50 kilometroko ibilketako atleta): "Aitona batek gidatzen gaitu".

Norden ezkerrean, Spirig (urrea) eskuinean.
Norden ezkerrean, Spirig (urrea) eskuinean.

Berria -

2012ko abuztuak 11

Laburrak

- Kirol Arbitratze Epaitegiak (TAS) bertan behera utzi du Suediako Olinpiar Batzordeak Lisa Norden triatloilariari zilarrezko dominaren ordez urrezkoa emateko egindako eskaera. Adierazi duenez, ez dago epaileen juzkua zalantzan jartzeko argudiorik. Helmugako argazkiak Nicola Spirig eta Norden batera helmugaratu zirela erakusten duela zioen Suediako Olinpiar Batzordeak, eta ondorioz, biek merezi dutela urrea.

- Robert Korzeniowski izan da inoizko ibiltari onena Olinpiar Jokoetan. Poloniarrak urrezko lau domina irabazi zituen. Horietatik hiru jarraian, 50 kilometrokoan, Atlantan, Sydneyn eta Atenasen. Sydneyn, 20 kilometrokoan ere urrea eraman zuen. 

- Pekinen sartu zen BMX modalitatea Jokoetan, eta Londresen egin du bigarren urratsa. Strombergs lituaniarrak irabazi du gizonezkoetan, eta Pajon kolonbiarrak emakumezkoetan. 

-  Londresko Jokoetan eta aurrekoetan txandakako lasterketek duten arrakasta ikusita, txandakakoetan bakarrik oinarritutako txapelketa berezi bat antolatuko du Nazioarteko Atletismo Federazioak. Aurreneko aldiz bi urte barru jokatuko da, Nassaun (Bahamak), eta bi egunez atletarik onenak han biltzea da helburua. Txandakako ohiko lasterketak jokatuko dira (4x100 eta 4x400), baina baita batere ohikoak ez diren beste hiru ere: 4x200, 4x800 eta 4x1.500.

- Londresko Jokoen antolakuntzak sarrera gehiago jarriko ditu salgai igandeko itxiera ekitaldirako, egunean bertan. Hala ere, gaur sarrera batzuk erosteko aukera dago webgune ofizialean, 1.265 eurotan.

- NOBek Atenasko Olinpiar Jokoetako erlojupekoan lortu zuen urrea kendu dio Tyler Hamilton txirrindulariari dopinagatik. Viatcheslav Ekimovena izango da orain urre hori, Bobby Julichena zilarra eta Michael Rogersena brontzea. Hamilton 2009an erretiratu zen. 

- Londresko metroko garbitzaileek 48 orduko greba bati ekin zioten atzo, Olinpiar Jokoek irauten duten bitartean ez dietelako diru sari berezirik eman. "Denak ari dira jokoei begira, milioika lagun haiekin gozatzen, eta Londresko garraioetako garbitzaileak, berriz, lanik zikinenak egiten eta soldatarik miserableenak jasotzen", esan dute langileen ordezkariek. 

Esanak

- Jesus Angel Garcia Bragado (Espainiako 50 kilometroko ibilketako atleta): "Urrea lortuta, ortodontzia ordainduko diot Odriozolari". "Aitona batek gidatzen gaitu".

- Usain Bolt (Jamaikako atleta): "Carl Lewisek ez du ezer egin atletismoagatik, berarengatik baizik".

- David Cal (Espainiako selekzioko piraguista): "Urruti ikusten dut Rio de Janeiro, 10.000 kilometrora edo". 

- Victor Conte (BALCO laboratorioko buru izandakoa eta BALCO auzian epaitua): "Jokoetako dopin kontrolak propaganda baino ez dira"; "Orain bota dute amua, baina arraina duela bederatzi hilabete pasa zen"; "Atleten %60 dopatuak daude".

- Catherine Ibarguen (Kolonbiako jauzilaria): "Uaraban, haurrek saltoka egiten dituzte mandatuak". 

- LeBron James (AEBetako saskibaloi jokalaria): "Misio bat betetzera etorri gara Londresera, gure soldaduak bezala". 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna