Albistea entzun

FUTBOLA

Lyongo ultrak babesten ari diren ertzainek pilotakadak bota dituzte Amaran

Realeko hainbat zale Lyongo ultrei oldartu zaizkie, eta pilotakadak botaz erantzun du Poliziak. Bideoa: Ultra talde bat, Urka Mendi tabernatik ateratzen.

Ertzaintzak ultrekin

Berria -

2013ko abuztuak 28

Istilu larriak izan dira Donostiako Parte Zaharrean, Lyonen eta Realaren arteko futbol partidaren harira. 60 bat laguneko ultra talde bat sartu da Parte Zaharrean, borrak eta makilak zituztela, eta tabernetako aulkiak botatzen hasi dira. Ikatz kaleko Urka Mendi tabernan sartu dira, eta gutxienez lau lagun zauritu dituzte.

Bengalak ere jaurti dituzte. Lekukoen arabera, Madrilgo eta Lyongo ultrek osatzen zuten taldea; Urka Mendi tabernan sartutakoek identifikatu dute euren burua madrildartzat. Ikatz kaletik irtetean, botilak jaurti dizkiote elkarri bertako eta kanpoko zaleek, San Jeronimo kalean. Egoera baretu da ondoren. Alderdi Ederren atzeman dituzte ertzainek zale batzuk, eta Artzain Onaren plazan beste talde bat.

Amaran, berriro piztu dira istiluak. Hainbat zalek botilak jaurti dizkiete ertzainek babestuta zihoazen Lyongo zaleei, eta oldartu egin zaie Ertzaintza, pilotakadak jaurtiz. Estadio barruan dira Frantziako ultrak.

Partidaren zain

Hamar urte geroago, iritsi da Txapeldunen Liga Donostiara. Realak eta Lyonek gaur jokatuko dute Anoetan txapelketaren atariko itzulerako partida, 20:45ean. Giro beroa eta berezia espero da Anoetan, eta, zaleez gain, emaitza ere aldeko dutela hasiko dute etxekoek; 0-2 nagusitu ziren Lyonen.

Atzo hasi zen nabaritzen Gipuzkoako hiriburuan Txapeldunen Ligako partiden aura; kamioi sorta Anoetan, ohi baino hesi gehiago estadio kanpoaldean eta Frantziatik etorritako taldearen autobusa hirian bueltaka. Gaur goizean, eguraldia aurkako, apenas izan den partida aurreko girorik Amara inguruan edo Parte Zaharrean, baina pixkanaka ugarituz joan dira elastiko txuri-urdinak.

18:00etan kalejira egitekoak dira Anoetara, eta 19:15 aldera iritsiko dira Realeko jokalariak estadiora. Ongietorria egitera joateko eskatuz ari dira zale asko. 20:00etan omenaldia egingo diote Alberto Ormaetxea Realeko entrenatzaile zenari.

20:45ean egingo du eztanda zelaiak, Txapeldunen Ligako ereserkiaren doinuak entzutearekin batera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Euskariansek eta Irlandako Munster taldeak 2006an Miarritzeko Aguilera estadioan jokatutako partida. ©BOB EDME

Euskal errugbia batuz

Iñaki Berastegi

Sei urteren ostean, Euskariansek lagunarteko partida bat jokatuko du gaur: Kataluniako selekzioa izango du arerio Donostian, Anoetako estadio txikian. Zazpiko errugbian ere «anbizio handiko egitasmoa» osatu nahi dute.
Simone Inzaghi Inter Milaneko entrenatzailea eta Pep Guardiola Manchester Cityko entrenatzailea. RONALD WITTEK / efe - Adam Vaughan / EFE ©BERRIA

Ezinezkorik ez dagoenean

Eñaut Agirrebengoa

Cityk Txapeldunen Liga aurrenekoz irabaz dezake gaur, eta sasoi honetako hirugarren titulu handia lortu. Ezustean harrapatu nahi du Interrek (21:00, La 1 eta TF1).

Catenak Osasunan jokatuko du, eta Traorek, Realean

Berria

Talde txuri-urdinak jakinarazi du Cecilia Marcosek beste bi urtez jarraituko duela klubean, 2025eko ekainera arte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.