Albistea entzun

MUSIKA

Pete Seeger musikaria hil da

Folk musikako ikonoetako bat zen Seeger. 94 urte zituen. Euskal Herrian izan zen 1970eko hamarkada hasieran, Ez Dok Amairuk gonbidatuta; inspirazio iturrietako bat izan zen euskal kantari eta artistentzat.

Pete Seeger.
Pete Seeger. Tamaina handiagoan ikusi

Berria -

2014ko urtarrilak 28

New Yorken zendu da abeslaria. Erietxean zegoen iragan astetik, eta kausa naturalak direla medio hil da, bere hiloba Kitama Cahil Jacksonek New York Times egunkariari jakinarazi dionez.

Musikaren bitartez ekintzaile politiko ere bazen Seeger. The Almanach Singers taldearekin hasi zen kantuan, Woody Guthrie eta Lee Haysekin batera. 1949-1959 urteetan, The Weavers taldearekin aritu zen, eta, gero, bakarlari gisa. AEBetako kontzientziaren ahotsa izan zen ehun abesti baino gehiagoren bidez; haietan irudikatu zituen XX. mendeko injustiziak,  borrokak eta ametsak. Vietnamgo gerraren kontra aritu zen, besteak beste.

Where Have All the Flowers gone?, If I Had a Hammer, We Shall Overcome, Kisses Sweeter than Wine eta Turn, Turn, Turn dira haren abesti ezagunenetako batzuk. Bideoa: Seeger This Land is Your Land kantatzen, iaz.

Euskal kantagintzan ere eragina

Haren kantagintzak, AEBak zeharkatuz ateratako erretratuek, eragina izan zuten hainbat herrialdetako abeslariengan, eta baita Euskal Herrikoengan ere, Ez Dok Amairu taldearen inspirazio iturri izateraino. Joan Baez, Bob Dylan eta Seegerrek, besteak beste, AEBetan gertatzen ari zirenen testigantza gordina ematen zuten, eta askatasun eta justizia egarria partekatzen zuten Ez Dok Amairukoekin, protesta kantu hura. Harekin harremana bazuten taldekideek, eta Donostiako Viktoria Eugenia antzokian ere izan zen Ez Dok Amairukoek gonbidatuta, 1970eko hamarkada hasieran. Aurkezle lanak egin zituzten Joxan Artzek eta Xabier Letek, Ez Dok Amairu atzerriko musikaren promozioa egiten ere aritu baitzen baitzen: hari eskerrak izan ziren hemen Raimon, Atahualpa Yupanki, Barbara Dane, Guillermina Mota eta Pete Seeger bera, garai nahasi haietan.

Benito Lertxundiren gogoan

Ez Dok Amairukoen artean inork "bere nortasuna, konpromisoa eta bizitzeko zaletasuna" miresten bazituen hori Benito Lertxundi da, BERRIAri gogorarazi dionez, Mikel Laboa eta Xabier Lete, besteak beste, Frantziako kantu berritik gertuago zeudela. Donostiara Raimonek Pete Seeger Kataluniara eraman zuela baliatuz ekarri zutela du gogoan Lertxundik, eta kontzertuaren bezperan partekatu zuten afaria ere bai: "Denak kantari aritu ginen. Berak beti jartzen zuen jendea kantuan".

Kontzertuan "oso giro ederra" izan zen. "Orduan Joxan Artze zen ingelesa zekien bakarra, eta berak itzultzen zituen hark esandakoak". Bere bizitza "oso poetikoa" iruditu izan zaio beti Lertxundiri. "Askotan aipatzen da bere konpromisoa, baina berak nahi gabe egiten zuen hori. Pentsa, iaz, artean kantatzen ari zen".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Mundu honek asko eman dit, baina nik ere dena eman diot»

Itziar Ugarte Irizar

Lacarrak dio maila batera heltzekotan hor gelditzeko moduko «pisua» hartuta heldu behar dela; bidea dela gauza, ez inorako presa. Hiru hamarkadatik gora daramatza dantzan, sari entzutetsuenak bizkarrean, eta Golden Producciones-ekin landu dituen lehen bi piezak emango ditu asteon Gasteizen eta Donostian.
Grizzly Bear taldean aritu da orain gutxira arte Daniel Rossen. ©BERRIA

Konplexutasuna erraietan

Mikel Lizarralde

Daniel Rossen musikari estatubatuarrak bere lehen lan luzea argitaratu du, EP batekin bakarka estreinatu eta hamar urtera: 'You Belong There', folketik eta popetik edaten duen bilduma dotore eta konplexua.

Haiti irratiaren ahotsa

Haiti irratiaren ahotsa

Andoni Tolosa

Diskoetxea: Anti 2022.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...