Albistea entzun

NOBEL SARIAK

Patrick Modianorentzat Literaturako Nobel saria

Idazle frantziarra saritu du Suediako Akademiak.

Patrick Modiano. /
Patrick Modiano. / BERRIA Tamaina handiagoan ikusi

Juan Luis Zabala -

2014ko urriak 9

Patrick Modiano eleberrigile frantziarrak jasoko du aurten Literaturako Nobel Saria, Suediako Akademiak gaur jakinarazi duenez. "Giza paturik atzemanezinenak gogora ekartzeko landu duen oroimenaren artea" laudatu du Suediako Akademiak, eta baita bere nobelen bidez naziek Frantzia okupatuta izan zuten garaia erakutsi izana ere. Abenduaren 10ean jasoko du saria, Suediako erregearen eskutik, Stockholmen. Zortzi milioi koroa suediar eskuratuko ditu, hots, milioi bat euro inguru.

Saria jasotzen duen hamabosgarren idazle frantziarra izango da. Iaz Alice Munrok jaso zuen saria. Frantzia da gaur egun Nobel saria irabazitako idazle gehien duen estatua. Bigarren postuan AEBak daude, hamaika saridunekin, eta hirugarrengoan Erresuma Batiua, hamarrekin. 

1945eko uztailaren 30ean jaio zen Modiano, Boulogne-Billancourt-en (Ile-de-France, Frantzia). Bere eleberri gehienak Parisen kokatuta daude eta hiriak presentzia handia du haietan. Nobeletako askotan Bigarren Mundu Gerraren osteko giro iluna islatzen da. Modianoren  obra gehienetan pertsonaia nagusiak bere iraganarekin zerikusia duen norbaiten edo zerbaiten bilaketa kontatzen du, lehen pertsonan. Misterio giro desoseguzko bat nagusitu ohi da, baina misterio hori ez da thriller edo nobela poliziako batenaren antzekoa, pertsonaiak egiten duen bilaketa motela eta oso pertsonala izaten baita, eta gertakariak oso xumeak gehienetan.

Bere eleberri ezagunenen artean honako hauek daude, besteak beste: La Place de l'Etoile (1968), Boulevards de ceinture (1972), La Ronde de nuit (1969), Villa Triste (1975), Livret de famille (1977), Rue des boutiques obscures (1978, Goncourt sariaren irabazlea), Une jeunesse (1981), De si braves garçons (1982), Dimanches d'août (1986), Chien de printemps (1993), Dora Bruder (1997)…

Horrez gain, Louis Malle zinemagilearekin batera haren Lacombe Lucien filmaren gidoia idatzi zuen. Malleren filmak naziekin kolaboratu zuten frantsesen gaia lantzen du, eta zer esan handia eman zuen estreinatu zenean, 1974an. Gazte literaturako hainbat narrazio ere badu argitaraturik.

Modianoren bi eleberri daude euskaratuta: Udaberri alua (Igela, 2008), Pello Lizarraldek euskaratua (jatorrizkoan Chien de printemps, 1973); eta Villa Triste (Igela, 2011), Joseba Urteagak euskaratua (jatorrizkoan Villa Triste, 1975). Euskal idazleen artean Pello Lizarralde eta Anjel Lertxundi izan dira Modianoren aldezle gisa gehien nabarmendu direnak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nafarroako Orkestra Sinfonikoak Luis de Pabloren —argazkian, erdian— eta beste hainbat konpositoreren lanak interpretatuko ditu gaur. ©BERRIA

1972ko Iruñea harritu zuten doinuak akordura

Uxue Rey Gorraiz

Gaur hasiko dira 72-22 Topaketak Iruñean. Urriaren 18ra bitarte, eta orain dela 50 urtekoak gogoan, askotariko jarduerek eta emanaldiek artez jantziko dute hiria. Musika berebizikoa da gaur: Teresa Catalanen eta Tomas Marcoren solasaldi bat aurrena, eta Nafarroako Orkestra Sinfonikoaren kontzertua ondotik.
Moto- Membra Jesu Nostri obrako lan taldea: Pau Auli, Eneko Sagardoi, Lucia Astigarraga eta Andoni Sierra. ©OSKAR MATXIN EDESA / FOKU

Motoak eta gurutzeak

Iñigo Astiz

'Moto- Membra Jesu Nostri' kontzertu eszenifikatua estreinatuko du bihar Bilboko Arriaga antzokiak, Bieteritx Buxtehuderen musikarekin eta Eneko Sagardoik sortutako testuarekin
Kristof Arotzarena eta Aitziber Zugarramurdi, Zinegin festibalaren antolatzaileak, atzo, Baionan. ©GUILLAUME FAUVEAU

Zinegin festibala urriaren 20tik 23ra egingo dute, zenbait berritasunekin

Ainize Madariaga

Filmez gain, kontzertuak ere antolatu dituzte. Gaualdi «sataniko» sorpresa ere prestatu dute
Hertzainak taldeak joan den asten aurkeztu zituen amaierako kontzertuak. ©Monika del Valle / Foku

Hertzainak-ek beste kontzertu bat emango du BECen, abenduaren 17an

Mikel Lizarralde

Abenduaren 16ko emanaldirako sarrera guztiak amaitu dira dagoeneko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.