Albistea entzun
Emakumeen aurkako indarkeriari ez
Emakumeen aurkako indarkeriari ez

Finantza erakundeak

Kutxabankek eta BBVAk gainditu egin dituzte EBZk egindako ebaluazioak

Kutxabankek erakutsi du kaudimen handiena Espainiako Estatuko finantza erakundeei egindako azterketan, %11,9ko tasarekin. BBVAk %9ko kaudimena duela dio azterketak.

Kutxabank izan da Espainiako Estatuan kaudimen tasarik altuena lortu duen finantza erakundea.
Kutxabank izan da Espainiako Estatuan kaudimen tasarik altuena lortu duen finantza erakundea. Jon Hernaez / Argazki Press

Berria -

2014ko urriak 26 07:50

Europako Banku Zentralak Europa osoko finantza erakunde garrantzitsuenei egindako ebaluazioaren emaitza argitaratu du. Euskal Herrian egoitza duten bi bankuei —Kutxabank eta BBVAri— ere egin zaie azterketa, eta biek gainditu dute. Kutxabankek erakutsi du, gainera, Espainiako Estatuan azterketa egin zaien hamabost finantza erakundeen artean kaudimen mailarik altuena, %11,9rekin. BBVAk, berriz, %9ko kaudimen tasa eskuratu du.

Orotara, 127 finantza erakunderen balantzeak arakatu ditu EBZk, aktiboen kalitatea neurtzeko asmoz. Europako Banku Agintaritzarekin (EBA) elkarlanean, gainera, estres azterketak egin dizkie 122 bankuri, eurogunetik kanpokoak barne. Guztira euroguneko 25 finantza erakundeetan 25.000 milioi euroko defizita erakutsi dute azterketek. Jakinarazi dutenez, banku horiek hurrengo bi asteetan aurkeztu beharko dituzte haien kapital planak, eta bederatzi hilabeteko epea izango dute kapitalaren defizita konpontzeko. 

Azterketa mugarria izango da euroguneko bankuak kontrolatzeko ikuskari bakarra sortzeko prozesu historikoan. Izan ere, heldu den azaroaren 4tik aurrera garrantzi sistemikoa duten 130 finantza erakunderen kontrol zuzena hartuko du bere gain EBZ Europako Banku Zentralak.

Hiru helburu lortu nahi dira azterketa berriaren bidez. Lehenik eta behin, gardentasuna handitzea, bankuen egoerari buruz dagoen informazioaren kalitatea hobetuta. Bigarrenik, aurrera begira izan daitezkeen arazoak atzeman eta konpontzeko neurriak hartzea. Hirugarrenik eta azkenik, konfiantza indartzea, eragile guztiei bankuak sendo daudela erakutsita.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Merkataritzako langileak greban, Donostiako San Martin merkatal zentroan. ©Maialen Andres / FOKU.

Merkataritzako langileek greba egin dute gaur Bizkaian eta Gipuzkoan

Iñaut Matauko Rada

Soldatak KPIaren arabera igotzeko eta igande eta jaiegunetan lanik ez izateko eskatu dute. Salatu dute sektoreko langile asko eta asko lanaldi partzialean ari direla.

 ©RAUL BOGAJO / @FOKU

Lan itunaren aurkakoek egoera irauli dute Mercedesen, eta argi irabazi

Aitor Biain

ELAk bederatzi ordezkari eskuratu ditu, aurretik baino bi gehiago, eta UGTri hiruren aldea ateratzen dio orain. LAB eta ESK sindikatuek ere ordezkari bana irabazi dute

CCOO, LAB eta UGTren manifestazioa, Bizkaiko metalgintzaren hirugarren greba egunean. ©Oskar Matxin Edesa / Foku

Azken negoziazioak huts egin ondoren, grebarako deia Bizkaiko metalgintzan

Iker Aranburu

Sindikatuek ez dute onartu FVEMen azken proposamena. Patronalak salatu du CCOOk, LABek eta UGTk ez dutela Bizkaian onartu nahi Araban sinatu zuten ituna hobetzen duen eskaintza.

<em>Black friday</em> eguneko iragarkia, Bilboko Kale Nagusiko denda batean. ©OSKAR MATXIN EDESA / FOKU

Kontsumo merkea, garesti

Olatz Silva Rodrigo

Egun bakarra izateari utzi, eta hilabete osoa da orain black friday. Aukera ona izan daiteke bezeroek produktuak merkeago eros ditzaten. Hala ere, saltzaile batzuen arabera, AEBetatik etorritako kanpainak kalte ugari sor ditzake.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.