K2 neguan igotzen saiatuko da Errusiako mendizale talde handi bat

Ate joka datorren neguan izango da zalaparta Karakorumen. Mendikateko zortzimilako mendiak neguan igotzeke zeuden, otsailean Simone Morok, Denis Urubkok eta Cory Richardsek Gasherbrum II igo zuten arte. G-I, Nanga Parbat eta K2 mendietara espedizio bana izango da datorren neguan. Jakina zen Alex Txikonen taldea G-Iera joango dela, eta Moro eta Urubko Nanga Parbatera. Errusiako talde bat saiatuko da Karakorumeko harribitxirik preziatuena neguan igotzen: K2.

Errusiarrek ohikoa duten estiloan joango dira: talde handia eta astuna. Espedizioa 16 mendizalek osatuko dute, eta Viktor Kozlov izango da burua. Haren aldamenean elkartu dira azken urteetako Errusiako alpinista indartsuenetako batzuk.